Әһли Бејт -АБНА- хәбәр аҝентлијинин вердији хәбәрә әсасән бу ҝүн гондарма режимин Ағыр Ҹинајәтләр Мәһкәмәсиндә руһани Һаҹы Абҝүл Сүлејмановун мәһкәмәси кечирилиб.
Исламазери.аз-ын мүхбиринин хәбәринә ҝөрә, гурама мәһкәмә иҹласы салават зикрләри илә башлајыб.
Гондарма режимин мәһкәмә просесиндә илкин олараг Абҝүл Сүлејманову шәрләдикәри иттиһам елан олунуб. Һаггындакы мәлуматлар дәгигләшдирилиб. Аиләли вә 3 азјашлы ушағы олмасы тәсдигләниб.
Абҝүл Сүлејмановун һүгугларыны 3 вәкил мүдафиә едир; Рүстәм Зүлфүгаров, Анар Гасымлы вә Натиг Мустафајев.
Гурама мәһкәмә ишинә Маһир Бајрамовун сәдрлик етдији гондарма һакимләр бахыр. Режим иттиһамчысы Турал Усубовдур. Гурама мәһкәмә иҹласынын катиби исә Емил Ҹавадовдур.
Вәкил натиг Мустафајев Абҝүл Сүлејмановла ҝөрүшдүрүлмәдијини вә буна ҝөрә дә мәһкәмә иҹласынын тәхирә салынмасыны истәјиб: "Әлимиздә рәсми сәнәдләр вар. Сәнәдләрлә дә, шифаһи олараг да дәфәләрлә МТН-ә мүраҹиәт етмишик. Буна бахмајараг мүвәккилимлә ҝөрүшә билмәмишәм. Бу һәм бизим, һәм дә Абҝүл Сүлејмановун һүгугларынын позулмасы демәкдир. Биз неҹә мүдафиә олунаҹағымыз барәдә сөһбәт едә билмәмишик. Мәһкәмәдән тәләбимиз будур ки, мүвәккилимизлә ҝөрүшмәји тәмин етсин. Мајын 14-дән ҝөрүшмәк үчүн мүраҹиәт едирик."
Вәкилләрин икинҹи тәләби Абҝүл Сүлејмановун гондарма истинтагынын битмәјинә бахмајараг режимин Әдлијјә назирлијинин пенитенсиар хидмәтиндә дејил мәһз МТН-дә сахланмасы илә бағлы олуб.
Анар Гасымлы дејиб: “Истинтагын битмәсинә бахмајараг Абҝүл Сүлејмановун МТН-дә сахланылмасы ганунсуздур. Бу ганунвериҹиликлә јол верилмәздир. Чүнки Абҝүл Сүлејманов бундан сонра мәһкәмәдә ифадәләр верәҹәк. Тәбии ки, МТН тәрәфиндән ифадәләри илә бағлы она гаршы мүхтәлиф тәзјигләр ола биләр. Бу да истинтагда олдуғу кими, мәһкәмә просесини дә објектив апарылмасыны суал алтына салаҹаг. Сәнәдләрдә дә онун 12 сајлы тәҹридханада сахланылмасы ҝәрәкдији гејд олунур. Она ҝөрә дә Абҝүл Сүлејмановун МТН-дән Бакы Истинтаг Тәҹридханасына көчүрүлмәси барәсиндә ҝөстәриш вермәнизи хаһиш едирик.”
Гондарма Һаким вәсатәтин јазылы формада верилмәсини истәјиб.
Вәкил Анар Гасымлы һакимдән мәһкәмәнин 20 дәгигә фасилә едилмәсини вә бундан сорна вәсатәти јазараг тәгдим едәҹәјини билдирди.
Мәһкәмәдә 20 дәгигәлик фасилә елан олунду.
Фасилә заманы руһани Һаҹы Абҝүл Сүлејманов деди: "Бунлары нараһат едән мәним Гарабағы ала билмирсинизә, бизә силаһ верин. Биз ҝедиб Гарабағы азад едәк демәјимдир. Һакимијјәтин хәтринә дәјиб мәним белә демәјим. Инди беләдир ки, ким бунларын истәмәдији кими һәрәкәт едир тутуб салылар ичәри. Өзләрини Авропаја бәјәндирмәк үчүн нә гәдәр мүсәлман халгын дәјәрләрини тапдасалар да, Авропа бунлары бәјәнмир. Милјонларла пул хәрҹләјиб Авровизија кечирсәләр дә, Авропа бунларын әлејһинә гәтнамә гәбул едир. Гәрб 2006-ҹи илдә һакимијјәтә билдирди ки, сиздә демократија јохдур. Бунлар дедиләр нијә јохду, вар. Онларда буна ҹаваб олараг дедиләр ки, әһалинизин 85%-и мүсәлмандыр. Сиздә демократија ола билмәз. Һакимијјәт о ҝүндән сөз вериб ки, ислами дәјәрләри арадан апармаг үчүн әлиндән ҝәләни едәҹәк. Илкин олараг ики мәсҹид сөкдү. Лакин мүсәлманларын етиразларыны ҝөрдүкдән сонра, мәҹбур олуб ҝери чәкилди. Бундан сонра һиҹаб мәсәләсини орталыға атды. Буна гаршыда митингләр кечирилди. Мөминләрә узағы бир нечә ил, ән чох 15 ил иш верәрәрәк һәбсханалара басдыраҹаглар. Биз һәмин мүддәтдән сонра азадлыға чыхаҹағыг. Амма биз руһаниләрин басдырдығы инсанлар гәбирдән чөлә чыха билмирләр. Индијә гәдәр ҝөрүнүб ки, һәр һансы бир руһанинин басдырдығы гәбирдән ҝери гајытсын?!."
Һаҹы Абҝүл Сүлејманов, залда отуран ханымлардан биринин "Биз сизинлә фәхр едирик һаҹы" демәсинә ҹаваб олараг билдирди ки: "Мән сизинлә фәхр едирәм. Онлар бизи тутмагла сизләрин ҝөзләрини горхутмаг истәдиләр. Лакин бура адамла долудур. Мән сизинлә фәхр едирәм ки, ҝери аддым атмырсыныз. Мән тәкәм, сиз исә чох."
Бундан сонра һакимләр зала гајыдараг галдырылан вәсатәтләри охудулар. Режим иттиһамчысы биринҹи вәсатәтин тәмин олунмасынын лазым олдуғуну билдирсә дә, икинҹи вәсатәтин тәмин олунмамасыны истәди.
Һаким биринҹи вәсатәти, јәни вәкилләрин руһани илә ҝөрүшдүрүлмәсини тәмин едәҹәкләрини билдирди. Икинҹи вәсатәт барәдә исә ҝәлән мәһкәмәдә данышылаҹағыны деди.
Нөвбәти мәһкәмә иҹласы ијун ајынын 8-и саат 15:30-а тәјин олунуб.
Диггәт: Хәбәрдән истифадә етдикдә мәнбәјә истинад лазымдыр
