Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Ојаныш Һәрәкатынын Лидери, Исламчы мәһбус Азәрбајҹан Ислам Партијасынын сәдри Доктор Мөвсүм Сәмәдов, Һөҹҹәтүл Ислам вәл Мүслимин Сејјид Фәрамиз Аббасов, Мөвсүм Сәмәдовун гајны Фирдовси Мәммәдрзајев вә Руфулла Ахундзадә ағыр режимли ҹәзачәкмә мүәссисәләринә көчүрүлүбләр
Бу барәдә исламчыларын вәкили Анар Гасымлы мәлумат вериб. Вәкилин билдирдијинә ҝөрә АИП лидери Мөвсүм Сәмәдов 11, Руфулла Ахундзадә 15, Вагиф Абдуллајев вә Дәјанәт Сәмәдов 12, Фәрамиз Аббасов 7, Фирдовси Мәммәдрзајев исә 1 сајлы ҹәзачәкмә мүәссисәләринә көчүрүлүб. Исламчы мәһбуслардан АИП лидери, руһани алим Фәрамиз Аббасов вә Руфулла Ахундзадә ҹидди режимли ҹәзачәкмә мүәссисәләринә јерләшдирилиб.
Хатырладаг ки, әлијевләр режиминин гондарма һакими Елдар Исмајыловун идарә етдији режимин Ағыр Ҹинајәтләрә даир Мәһкәмәсиндә Азәрбајҹан Ислам Ојаныш Һәрәкатынын Лидери, АИП-ин сәдри Мөвсүм Сәмәдов 12 ил, гајны Фирдовси Мәммәдрзајев 10 ил, әмиси оғлу Дәјанәт Сәмәдов 10 ил, партијанын сәдр мүавини Вагиф Абдуллајев 11 ил, Астара рајон тәшкилатынын сәдри Руфулла Ахундзадә 11 ил 6 ај, Һөҹҹәтүл Ислам вәл Мүслимин Сејјид Фәрамиз Аббасов 11 ил азадлыгдан мәһрум едилиб. Зүлфүгар Микајылзадәјә исә 5 ил сынаг мүддәти олмагла 5 ил шәрти һөкм охунмушду.
Диггәт: Хәбәрдән истифадә етдикдә мәнбәјә истинад лазымдыр
