Әһли Бејт -АБНА- хәбәр аҝентлији- Ханым Лејла Јунусова “авторитар режим” тәрифини Әлијевләрә чох ҝөрдү, онлары “мафиоз клан” адландырды. Азәрбајҹан Хариҹи Ишләр Вәзирлијинин мәтбуат хидмәтинин рәһбәри Елман Абдуллајевин “Азәрбајҹанын үнванына хошаҝәлмәз вә тәхрибат характерли шүарлар сәсләнмәсинә ҝөрә Иранын үзр истәмәсини ҝөзләјирик” – сарсагламасыны “мафиоз клан” да өзүнә сығышдырмаз.
Әлијев груплашмасы бир заман Түркијәнин башына белә ојун ачды. Өзләри Ермәнистана јанаҹаг өтүрдүләр, Түркијәјә “Ермәнистанла сәрһәди ачма, јохса…” – дедиләр. Јохса нә? Ај бифәрасәтләр, әлиниздән ҝәлән Јевровижн, чалыб-ојнамаг дејилми? Белә һүнәриниз вар гајтарын да Гарабағы!
Амма Иран сиздән үзр истәјир!
Үзр истәјирик ки, мүстәгиллијин илк ҝүнләриндән сизә гуҹаг ачдыг. Киши вердијини дилә ҝәтирмәз. Амма о заман ҝәтирмәз ки, алан алыб әл чәксин. Сағ олунуз да лазым дејилди. Сиз исә Иранын хејирхаһлыгларына пәрдә архасында онун дүшмәнләри илә план сызмагла ҹаваб вердиниз. Иран Русијаја мәҹбурән ҝүзәштә ҝетдији торпагларын адыны тутмады, сиз Бакыны хараба гојуб Тәбриз ешгинә дүшдүнүз. Иранын әрзаг долу ағыр машынларынын нәрилтиси нә тез әриди гулағынызда!
Узр истәјирик ки, үмуммилли лидеринизи ән ағыр ҝүнләриндә Нахчыванда исидиб, халга дајаг дурдуг.
Үзр истәјирик ки, забитләримизи ҝөндәриб сизин һәрби һиссәләрдә әсҝәрләринизә тәлим вердик.
Үзр истәјирик ки, ов түфәнҝинә мөһтаҹ олдуғунуз вахт машын-машын…
Үзр истјирик ермәниләр Һорадизи ҝөтүрәндә бу ҝүн јатыб-дуруб гараладығыныз СЕПАҺ ҝеҹә јары…
Мин-мин ишимизә ҝөрә үзрхаһлыгдан сонра сонда үзр истәјирик ки, дини рәһбәримизин шәхсијјәтинә тохунмајын дедик!!!
Сизсинсә биздән үзр истәмәјинизә еһтијаҹ јохдур, елә халгыныздан үзр истәсәниз јетәр.
Үзр истәјин ки, бу халгын вар-дөвләтини виҹдансызҹасына гәсб едиб, ејш-ишрәтә хәрҹләјир, өлкәдә әхлагсызлығы јајырсыныз.
Үзр истәјин халгыныздан Дубајда өзүнү сатан ел гызларына ҝөрә.
Үзр истәјин һәрби һиссәләрдә интиһар едән, зорланан әсҝәрләрә ҝөрә.
Үзр истәјин сөкдүјүнүз мәсҹидләр, башсыз гојдуғунуз аиләләрә ҝөрә.
Үзр истәјин шәрләјиб һәбсханалара дордуғунуз вәтән оғулларына ҝөрә…
Үзр истәјин сатдығыныз Гарабаға ҝөрә.
Бир дә Елмара ҝөрә үзр истәјин, јәни гана бәләдијиниз һагг сөзә ҝөрә!
Ахмаглар! Сиз һеч мафиоз клан да дејилсиниз, виҹданыны сатмыш һарамхорларсыныз. Иран сәфирлијинин гаршысындакы коллаж дедијиниз о бир тәһгир јазылды тарихә. Чабаладыгҹа дәринә батаҹагсыныз.
Бабәк Тәбризли
Мәгаләдәки фикирләр мүәллифин шәхси мүлаһизәләридир
Диггәт: Хәбәрдән истифадә етдикдә мәнбәјә истинад лазымдыр
