Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасында һаким партијанын (ЈАП) бирбаша тәшәббүсү илә Дүнја Мүсәлманлары Лидеринә гаршы һәјата кечирилән тәһгирләр дүнја халглары арасында олдугҹа чиркин бир әмәл кими гәбул едилмәси илә јанашы Азәрбајҹанда да сиајси лидерләр бахымындан мәнфур бир аддым кими дәјәрләндирилир. Белә ки, Азәрбајҹан Либерал Партијасынын лидери, профессор Лалә Шөвкәт ҝүндәмин актуал мөвзуларыјла бағлы “Азадлыг” гәзетинин суалларыны ҹавабландыраркән мүхбирин “- Һазырда Азәрбајҹанла Иран арасында ҹидди ҝәрҝинлик јашаныр. Баш верән просесләри неҹә гијмәтләндирмәк олар. Азәрбајҹанын сәрҝиләдији мөвге нә дәрәҹәдә марагларымыза ујғундур?” суалын белә ҹавабландырыб.
- Бу ҝәрҝинлик мәни һәм нараһат едир, һәм тәәссүфләндирир. Иран Азәрбајҹанын бөјүк гоншусудур. Бизим Иранла һәм тарихи, һәм мәдәни, һәм дини, һәм етник бағлылыгларымыз чохдур. Иранын 35-40 фаизи азәри түркләридирләр. Сөзсүз ки, Азәрбајҹанын Иранла проблемләри вар. Амма бүтүн бу проблемләр һеч дә һәллолунмаз дејилләр. Мән һәмишә демишәм, бу ҝүн дә тәкрар едирәм ки, Иранла мүнасибәтләримизин хошмәрамлы, гаршылыглы фајдалы олмағы Азәрбајҹанын марагларына ујғундур. О ки галды бизим бәзи рәсми нүмајәндәләримизин Ирана гаршы тәһгирамиз ифадәләринә, буну мән гәтијјәтлә писләјирәм вә гәбулолунмаз сајырам. Тәһгир сијаси стилистикаја зиддир вә јолверилмәздир.
Диггәт: Хәбәрдән истифадә етдикдә мәнбәјә истинад лазымдыр
