Әһли Бејт -АБНА- хәбәр аҝентлијинин вердији хәбәрә әсасән Әлгаидә дәстәси Азәрбајҹаны бу өлкәдә ҝеј-парад кечириләҹәји сурәтдә террор вә тәһлүкә јарадаҹағы илә һәдәләди.
Сосиал шәбәкәләрдә јајылан хәбәрләрә ҝөрә, Әлгаидәјә бағлы "Әрәб Мүҹаһидләри Тәшкилаты" бәјанат јајараг билдириб: Бакыда ҝеј-парадла ејни заманда бу шәһәрин күчәләри һомосексуалларын ганына бојанаҹаг!"
Бу барәдә Исраилин “Едиот Аһронот” гәзети јазыб: Бејнәлхалг јарышлара гатылан Исраил идманчыларынын тәһлүкәсизлијини МОССАД аҝентләри вә бу өлкәнин кәшфијјат структурларынын јахшы силаһланмыш хүсуси тәјинатлылары тәмин едир. Бу бахымдан “Еуровисион” үчүн Бакыја ҝәлән Исраил нүмајәндә һејәтини бу өлкәнин хүсуси хидмәт әмәкдашларынын мүшајиәт едәҹәји әввәлҹәдән ҝөзләнилирди.
Азәрбајҹан милли тәһлүкәсизлик назири Елдар Маһмудов билдириб ки, МТН “Еуровисион” јарышмасынын, бу јарышмада иштирак едәҹәк нүмајәндә һејәтләринин тәһлүкәсизлијини тәмин етмәк үчүн бүтүн зәрури тәдбирләри һәјата кечириб.
Бәјанатын давамында белә дејилир: "Биз "Еуровисион" мүсабигәсини Бакы һөкумәти үчүн горхулу јухуја чевирәҹәјик. Мүҹаһидләр Гафгазда һәмишә өз сөзүнү демиш вә она әмәл етмишдир".
Әрәб Мүҹаһидләри Тәшкилаты "Һәр һансы бир тајфа өз төврүнү (нәфсиндә оланлары) дәјишмәдикҹә, Аллаһ да онун төврүнү (онда оланлары, онун әһвалыны) дәјишмәз" ајәсинә истинад едәрәк билдириб: "Һомосексуаллар вә шејтанын тәрәфдарлары елә фикирләшмәсинләр ки, Азәрбајҹанда истәдикләри һәрәкәти едә биләҹәкләр. Хејир! Онлара һүҹум олаҹаг вә Моссад, I6, CİА вә диҝәр тәшкилатларыны һеч биринин онлары горумаға ҝүҹләри чатмајаҹаг".
Бу тәһдид елә бир шәраитдәдир ки, сөзү ҝедән мүсабигәнин тәшкилатынын рәһбәрләри тәһлүкәсизлик мәсәләсинә даһа чох хәрҹ чәкибләр. Чүнки дүнјанын мүхтәлиф өлкәләриндән олан һомосексуалларын ахшышыб ҝәлмәси илә ҝөзләнилән тәһлүкәсизлик тәдбирләри ҝөрә билмәјәҹәкләриндән горхурлар. Бу мәсәлә Бакы дөвләтини "Еуровисион" мүсабигәси астанасында тәһлүкәсизлијә тәминат вермәдијини билдирмәјә мәҹбур едиб, Әлгаидә вә вәһаби дәстәләринин тәһдидләриндән ниҝәран олдугларыны билдириб.
Дејиләнләрә әсасән, Азәрбајҹан Республикасы мүсабигәнин тәһлүкәсизлијини тәмин етмәк үчүн Моссад кәшфијјат тәшкилаты илә әмәкдашлыг едир вә Моссад гүввәләринин әсас вәзифәләри Бакыда "Еуровисион" мүсабигәсинин кечириләҹәји јерин вә онун әтрафынынын тәһлүкәсизлијини горумагдыр.
Әлгаидә мүхтәлиф өлкәләрин әһалисиндән үзвләри олан чохмилләтли бир тәшкилатдыр. Әлгаидә һәгигәтдә, һүзурунун тәсирини индијә кими Әфганыстандан әлавә, Әлҹәзаир, Мисир, Мәракеш, Түркијә, Иорданија, Таҹикистан, Өзбәкистан, Сурија, Чин, Һиндистан, Пакистан, Бангладеш, Малезија, Мјанмар, Индонезија, Филиппин, Ливан, Ираг, Әрәбистан, Күвејт, Бәһрејн, Јәмән, Либија, Тунис, Чеченистан, Дағыстан, Кәшмир, Сомали, Судан, Кенија, Танзанија, Азәрбајҹан, Еритреја, Уганда, Ефиопија, Боснија, Косово, Америка, Инҝилтәрә, Португалија, Алманија, Исвеч өлкәләриндә ашкар ҝөрүнән бејнәлхалг бир шәбәкәдир.
"Әрәб Мүҹаһидләри Тәшкилаты" Әлгаидәнин шәбәкәләриндән биридир вә Орта Асија вә Гафгаз даирәсиндә фәалијјәт ҝөстәрир. "Әрәб Мүҹаһидләри Тәшкилаты" Азәрбајҹан Республикасында "Хәвариҹ" вә "Сәләфиләр" кими ики групла әмәкдашлыг едир.
Диггәт: Хәбәрдән истифадә етдикдә мәнбәјә истинад лазымдыр
