Әһли Бејт -АБНА- хәбәр аҝентлијинин вердији хәбәрә әсасән бир нечә ҝүн өнҹә, Ҝөјҝөл рајон Полис Шөбәси (РПШ) тәрәфиндән адычәкилән рајонда јашајан актив һиҹаблы гадынлар Полис Шөбәсинә ҝәтирилиб
Исмәт вә иффәт мүҹәссәмәси олан ханимлара рајон Полис Шөбәсинин рәисинин әмри илә, бу ҝундән һиҹабын чыхарылмасы әмр едилиб. Буна мәһәл гојмајан ханымларла башга ҹүр рәфтар едиләҹәји билдирилиб.
Ҝөјҝөл рајон Полис Шөбәсинин баш мүстәнтиги Елшән Елчијев билдириб ки, бу ҝүндән етибарән Ҝөјҝөл рајонунда бир нәфәр дә олса, һиҹаблы ханым ҝөзә дәјсә, Полис Шөбәси олараг, онларла ганунун имкан вердији вә һәтта вермәдији нормалардан белә истифадә едиләрәк, буна имкан верилмәјәҹәк.
Ону да әлавә едәк ки, рајон Полис Шөбәсинин рәисинин ҹидди ҝөстәриши илә әлагәдар олараг, артыг онларла һиҹаблы ханымын мин ҹүр тәзјиг вә тәһдид алтында һиҹаблары чыхарылыб.
Исламтимес.орҝ- ун мүхбиринә мәлумат верән вә адынын чәкилмәсини истәмәјән мәнбә ону да әлавә едиб ки, бүтүн бу гејрәтсиз аддымлар ирәлиләјән һәфтәләрдә Азәрбајҹанда кечириләҹәк “АВРОВИЗИЈА” илә әлагәдардыр.
Сөзүҝедән рајонун исламданузаг мәмурлары горхурлар ки, ола биләр, авропалы гонаглар ҝөзәл вә фүсункар тәбиәти илә сечилән Ҝөјҝөл рајонуна сәфәр едәләр вә бу заман һиҹаблы ханымлары ҝөрәрәк, Азәрбајҹанын фундаментал Ислам өлкәси олмасы тәәссүратына гапыларлар.
Мәнбә ардынҹа еһтималларыны ирәли сүрәрәк гејд едир ки, чох ҝүман бу “гәрар” Азәрбајҹан Республикасынын Дахили Ишләр Назирлији сәвијјәсиндә ҹидди-ҹәһдлә тапшырылан вә сүрәтлә һәјата кечирилмәси тәхирәсалынмаз бир вәзифә кими гаршыја гојулан мәсәләләрдәндир! Өз нөвбәсиндә, Ҝөјҝөл рајон Полис Шөбәси дә, һеч нәдән чәкинмәјәрәк, бу аддымы атмаға ҹәсарәт едиб.
Һиҹабы зорла башындан чыхарылан, полис гурбаны олан ханымын, онда олан мәлуматына ҝөрә, билдирир ки, бу агибәт ардыҹыл олараг, диҝәр рајон вә шәһәрләри дә ҝөзләјәҹәји шүбһәсиздир.
Диггәт: Хәбәрдән истифадә етдикдә мәнбәјә истинад лазымдыр
