Әһли Бејт -АБНА- хәбәр аҝентлијинин вердији хәбәрә әсасән 3 ај өнҹә сахта иттиһамла Иран Ислам Республикасы Телерадио Тәшкилатынын Бакыдакы нүмајәндәлијинин һәбс олунмуш јерли сүрүҹүсү Рамил Дадашов бу ҝүн чәршәнбә һәбсдән азад едилиб.
Азәрбајҹан Республикасында Исламчы фәалларын 3-ҹү далғасы вә мүстәгил вә тәнгидчи журналистләрә гаршы тәзјиглә јанашы бу өлкә полиси феврал ајынын 16-да ИИР-нын Телевизија вә Радио Тәшкилатынын Бакыдакы нүмајәндәлијинин јерли сүрүҹүсү Рамил Дадашов вә јерли журналисти Анар Бајрамлыны ҝеҹә икән мәнзилләриндә һәбс едиб вә јахынларынын дедикләринә ҝөрә полис шөбәсиндә онларын ҹибләринә наркотик маддәләр атылыб.
Бу мәлумата әсасән наркотик маддәләри дашымагла бағлы сахта иттиһамын сүбут олунмамасы, еләҹә дә Рамил Дадашовун ган анализләриндә ҹавабларын мәнфи олдуғуна ҝөрә мәһкәмә онун азад етмәјә мәҹбур олуб.
ИИР-нын Телерадио Тәшкилатынын Бакыдакы нүмајәндәлијинин јерли журналисти Анар Бајрамлынын мәһкәмәси бу һәфтә ҹүмә ҝүнү Бакыда кечириләҹәк.
Јерли журналистин вәкили Анар Гасымлы наркотик маддәләрлә бағлы ондан ҝөтүрүлән ган анализләринин ҹавабларынын мәнфи олмасы вә она гаршы ирәли сүрүлән иттиһамларын сахта олмасыны гејд едәрәк мүвәккилинин азад олунмасыны вурғулајыб.
ИИР Телерадио Тәшкилатынын Бакыдакы нүмајәндәлијинин јерли журналисти вә сүрүҹүсүнүн сахта иттиһамларла һәбси Азәрбајҹан Республикасы, Иран Ислам Республикасы вә медиа даирәләриндә ҝениш реаксијаларла үзләшиб.
ИИР-нын Бакыдакы сәфирлији ики сәрт нота верәрәк Иран Ислам Республикасы Телерадио Тәшкилатынын ики јерли ишчисинә гаршы ирәли сүрүлән иттиһамлары әсассыз һесаб едиб, онларын дәрһал азад олунмасыны истәјиб, бу һәрәкәтин амилләринин ҹәзаландырылмасыны гејд едиб вә бу мәсәләнин мүнасибәтләрә, хүсусилә дә медиа сәһнәсиндә мәнфи тәсирләрә малик олмасы илә әлагәдар хәбәрдарлыг едиб.
ИИР-нын мәдәнијјәт вә ислами иршад назири, хариҹи ишләр назиринин консуллуг мәсәләләри үзрә мүавини, бир груп Ислам Шурасы Мәҹлисинин милләт вәкили, о ҹүмләдән Лалә Ифтихари вә Фатимә Алја Азәрбајҹан Республикасынын бу һәрәкәтини писләјәрәк бу шәхсләрин азад олунмасыны истәјибләр.
Азәрбајҹан Республикасынын онларла партија вә тәшкилат рәһбәрләри, о ҹүмләдән Вәһдәт, Јашыллар, Ислам, Бирлик, Солчу Демократик партијалары, Зијалылар Форуму, Сүлһ вә Демократија Мүәссисәси, Гарабағ Азадлыг Тәшкилаты Ишҝәнҹәләрлә Мүбаризә комитәсинин директору, Һелсинки Вәтәндаш Ҹәмијјәтинин нүмајәндәси, Инсан Һаглары Уғрунда Иҹтимаи Бирлији Рамил Дадашов вә Анар Бајрамлынын һәбсини сифаришли адландырыб вә онларын азад олунмасыны истәјиб.
Репортјорларын Азадлыг вә Тәһлүкәсизлик Институту, Бакыда јерләшән Мәтбуат Һүгугу Мүдафиә мүәссисәси, Сәрһәдсиз Репортјорлар Тәшкилаты вә Нју-Јоркда јерләшән Журналистләрин Мүдафиә комитәси дә ајры ајры бәјанатларда бу иттиһамлары әсассыз сајараг ады чәкилән шәхсләрин дәрһал азад олунмаларыны истәјибләр.
Бејнәлхалг Амнистија Тәшкилаты да јени һесабатында Азәрбајҹан Республикасында Бејнәлхалг Сәһәр телеканалынын һәбс олунмуш журналисти Анар Бајрамлыја гаршы иттиһамларын әсассыз олдуғуну вурғулајыб вә онун дәрһал азад олунмасыны тәләб едиб.
Бејнәлхалг Амнистија Тәшкилатынын һесабатында илдирилир: Анар Бајрамлыја гаршы сахта вә әсассыз иттиһамлар сијаси гәрәзләрлә баш вериб вә буна ҝөрә дә бу журналист сијаси мәһбус һесаб олунур вә Азәрбајҹанын лаик һөкумәти азад информасија, хүсусилә дә бу журналистин дини мәсәләләр барәсиндәки информасијасынын гаршысыны алмаг мәгсәдилә ону әсассыз вә сахта иттиһамларла һәбс едиб
Диггәт: Хәбәрдән истифадә етдикдә мәнбәјә истинад лазымдыр
