Әһли Бејт -АБНА- хәбәр аҝентлијинин вердији хәбәрә әсасән 16 мај тарихиндә әлијевләр режиминин Ағыр Ҹинајәтләр мәһкәмәсиндә Һаҹы Абҝүл Сүлејмановун мәһкәмәси кечирилиб.
Исламазәринин мәлуматына ҝөрә, мәһкәмәдә Һаҹы Абҝүл Сүлејмановун ишинин һәгигәтән дә Ағыр Ҹинајәтләр мәһкәмәсиндә кечирилиб-кечирилмәмәси арашдырылыб.
Гондарма мәһкәмә ишинә режимин судјасы Маһир Бајрамовун сәдрлик етдији һакимләр һејәти бахыр. Режими иттиһамчысы Турал Усубовдур. Иҹласда ујдурма һакимләр һејәти ҹинајәт иши илә таныш олуб, вәкилләр тәгдим едилиб.
Вәкил Мустафајев Натиг, мүвәккилинин истинтагынын битдијинә ҝөрә МТН-дә јох мүвәггәти тәҹридханалардан бириндә сахланылмасыны истәјиб. Һаким Маһир Бајрамов вәсатәтин шифаһи шәкилдә јох, јазылы шәкилдә верилмәсини тәләб едиб.
Ҝәлән мәһкәмәдә вәсатәт галдырылаҹаг мәсәләләрдән бири бу олаҹаг.
Һакимләр мүшавирәјә јолландығы заман Абҝүл Сүлејманов гыса чыхыш едиб. О билдириб ки, "Залымларын үзәринә һиҹаб далғасы ҝәлир. Ҝедин һамыја чатдырын ки, бу һакимијјәт Аллаһлыг иддиасындадыр. Фиронун иддиа етдији кими. Бунлар дејирләр ки, јалнызҹа бизә итаәт един, јохса сизи һәбс едәрик".
Руһани Абҝүл Сүлејмановун нөвбәти мәһкәмә иҹласы 30 мај, саат 16:00 тарихинә тәјин едилиб.
2011-ҹи илин август ајында һәбс олунан Абҝүл Сүлејманов мөвҹуд режимин гондарма Ҹинајәт Мәҹәлләсинин 283.2.1 (Зор тәтбиг етмәклә вә ја зор тәтбиг етмә һәдәси илә төрәдилдикдә милли, ирги, сосиал вә ја дини нифрәт вә дүшмәнчилијин салынмасы, 233 (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә, 234.4.3 (Ганунсуз олараг күлли мигдарда наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) вә 228.1-ҹи (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә шәррләнилир.
Диггәт: Хәбәрдән истифадә етдикдә мәнбәјә истинад лазымдыр
