Әһли Бејт -АБНА- хәбәр аҝентлијинин вердији хәбәрә әсасән Әрдәбил әјаләтинин 9-ҹи Ислами Шура Мәҹлисиндә нүмајәндәси доктор Һәгигәтпур "Исламын Гафгазда Бејнәлхалг Миссијасы Конфрансы"нын икинҹи ҝүнү чыхыш етди. Онун чыхышындан бәзи һиссәләри сизә тәгдим едирик:
"Гарабағ, Гафгазын ән ҹәнуб нөгтәсиндә јерләшир вә индики Гарабағ, тарихи Гарабағын јалныз бир һиссәсидир. Бу әрази 3-ҹү әсрдән Иран һакимијјәтинин табелијиндә олмушдур вә 8-ҹи әсрдән башлајараг Исламын бу реҝиона гәдәм гојмасы илә бу әрази Ислами-Ирани даирәјә дахил олмуш вә бурада азәри, ермәни вә күрдләрдән ибарәт үч халг јашамышдыр. Гарабағын Русијаја бирләшмәсиндән габаг онун әһалисинин 80 фаизини мүсәлманлар вә диҝәр 20 фаизини ермәниләр тәшкил едирди".
О, артырды: "Руслар, Гарабағы ишғал етдикдән сонра әһалинин мәҹбури көчүрүлмәси вә ҹоғрафи бөлҝү нәтиҹәсиндә мүсәлманлары азлыға вә ермәниләри чохлуға чевирдиләр. 1988-ҹи илдә Гарабағ Мухтар Вилајәти парламенти вә она ујғун олараг Ермәнистан парламенти, Гарабағы Ермәнистанын бир һиссәси кими тәгдим етди вә азәрбајҹанлыларла ермәниләр арасында ганлы Гарабағ мүһарибәси башлады. Азәрбајҹанын һакимијјәтиндә мөвҹуд олан дахили ихтилафлар вә русларын ермәниләри мүдафиә етмәси Гарабағын вә она битишик рајонларын ермәниләр тәрәфиндән ишғал олмасына ҝәтириб чыхарды. Бунун нәтиҹәсиндә бир милјондан чох азәрбајҹанлы гачгын дүшдү вә Азәрбајҹана 23 милјард доллар һәрби зијан дәјди".
Доктор Һәгигәтпур даһа сонра деди: "Иран Ислам Республикасы мүнагишәнин башланмасынын әввәлиндән Азәрбајҹан Республикасынын әрази бүтөвлүјүнүн горунмасы үчүн өзүнүн бүтүн сәјләрини ҝөстәрди вә һәтта Али Мәгамлы Рәһбәр өз фәтвасында Гарабағы Ислам торпаглары адландырды. Амма тәәссүфләр олсун ки, Иранын һәртәрәфли көмәкләриндән истифадә етмәк үчүн Бакы дөвләтиндә лазими ирадә олмады. Азәрбајҹан дөвләти бу ҝүнләри дә Гарабағын азадлығыны сијаси јолларла һәлл етмәк истәјир. Лакин, Минск групунун тәркибинә диггәт етмәклә бу өлкә һеч бир нәтиҹә әлдә едә билмәјәҹәк".
Доктор Һәгигәтпур чыхышынын сонунда Азәрбајҹан Республикасы дөвләтини ағыр хәрҹләр һесбына баша ҝәлән вә әхлагсыз "Еуровисион" мүсабигәси кечирмәк әвәзинә Гарабағын азадлығына ҹидди чалышмаға дәвәт етди.
Диггәт: Хәбәрдән истифадә етдикдә мәнбәјә истинад лазымдыр
