Әһли Бејт -АБНА- хәбәр аҝентлијинин вердији хәбәрә әсасән кечмиш мүдафиә назири Рәһим Газыјевин “Азадлыг”да дәрҹ едилән мүсаһибәси бөјүк резонанс јаратды. Мүсаһибә бир сыра мәгамлара ајдынлыг ҝәтирмәклә јанашы, һәм дә Р.Газыјевә гаршы охуҹуларын агрессив мүнасибәтини ортаја гојду. “Азадлыг”ын интернет сајтында мүсаһибәнин шәрһ бөлүмүндә вә “фаҹебоок” сосиал шәбәкәсиндә Р.Газыјев аҹы реаксијаларла үзләшди. Шәрһләрдә Р.Газыјевә јөнәлән ағыр иттиһамларла әлагәдар сабиг назирин да мөвгејини өјрәнмәји лазым билдик.
- Рәһим бәј, мүсаһибәнизә чох ағыр шәрһләр јазылды. Онларла таныш олдунузму?
- Мүсаһибәни “Азадлыг”ын гәзет вариантындан охудуғумдан, сајтда јазыланлары изләмәмишәм. Амма бу һагда ешитмишәм.
- Охуҹуларын бир чоху суал едир ки, сиз нијә индијә гәдәр сусмушдунуз, нијә инди данышырсыныз?
- Мән инди данышмырам, һәмишә өз сөзүмү демишәм. Һеч вахт сусмамышам. Ахтарышда оланда да, һәбсдәјкән дә онларла мәктуб јазмышам, мүраҹиәтләр етмишәм, Азәрбајҹан зијалыларына сөзүмү чатдырмышам.
- Бу мүраҹиәтләрин мәзмуну һакимијјәтә гаршы иди?
- Бәли. Мәним әлимдә сәнәдләр вар, гәзетләри сахламышам. 90-ҹы илләрин сонунда “Милләтин сәси”, “Јени Мүсават” гәзетләриндә мәктубларым чыхыб. Онларын һамысында режимә мүхалиф мүнасибәтими ифадә етмишәм. Мән нә едим ки, ҝениш охуҹу күтләсинә чыха билмирәм? Нејләјим ки, һәр јери үзүмә бағлајыблар? Әлимдән јазмаг ҝәлирди, јазыб јоллајырдым, гәзетләрдән һансы баҹарырдыса, чап едирди.
- Шәрһләрдә белә бир фикир дә јер алыр ки, сиз һазырда һакимијјәтин дәјишмәк әрәфәсиндә олдуғуну дујдуғунуза ҝөрә Әлијевләрин әлејһинә чыхыш едирсиниз. Јәни, бу чыхышларла сијаси дивиденд топлајырсыныз...
- Нә дејә биләрәм... Јашымын 70-ә чатмасына аз галыб. Бундан ҹаван вахтларымда һамынын ҝөзү гаршысында Һејдәр Әлијевин тәклиф етдији вәзифәни әлимин архасы илә чевирмишәм. Мән вәзифә еһтирасы илә јашајан, фүрсәтҝүдән адамлардан дејиләм. Һәр заман дүшүндүкләрими демишәм, инди дә онлары тәкрарлајырам. Садәҹә, инди бу сөһбәтләр она ҝөрә чох сәс-күј јаратды ки, “Азадлыг” кими тиражлы гәзет васитәсилә дедикләрими чох инсан ешитди.
Бәли, мән бу режимә мүхалифәм. Ән бөјүк арзуларымдандыр ки, халгын хиртдәјинә кал армуд кими 20 илдир илишәнләр ҝетсин.
20 илдир әввәлҹә ата, сонра да оғул Әлијев Гарабағы алмаг үчүн “лазымы” ҝөзләјир. Лазым да ҝәлмир. Ахы бу о Һејдәр Әлијев иди ки, пенҹәјини чијнинә атыб Гарабаға ҝедәҹәјини демишди...
- Сизин МТН-дән гачырыландан сонра Һејдәр Әлијевә видео-мүраҹиәтинизин олдуғу дејилир. Бу доғрудурму?
- Бәли.
- Бу нә заман олуб вә мәзмуну нәдән ибарәтдир?
- 1993-ҹү ил нојабарын 22-дә мәни һәбс етдиләр. 1994-ҹү ил сентјабрын 21-22-дә мәни МТН-дән гачырдылар. Бу, бизи мәһв етмәк үчүн план иди. О планы мән поздум. Бу һадисәнин сәһәри ҝүн мән Ариф Пашајевлә бәјанат јазыб, Һејдәр Әлијевә, парламентә, МТН-ә, АНС-ә ҝөндәрдик ки, биз гајытмаға һазырыг, анҹаг тәләбимиз ҹәмијјәт үчүн ачыг мәһкәмәнин кечирилмәсидир. Бу бәјанаты АНС-дән башга һеч ким вермәди. Буна ҝөрә дә Ваһид Мустафајеви дөјдүләр, канал да ај јарым-ики ај бағлы галды.
1995-ҹи илин 27 апрелиндә о видео-мүраҹиәти һазырладым. 2 саат 35 дәгигәлик мүраҹиәтдир, бирбаша Һејдәр Әлијевә үнванланыб. Бу мүраҹиәтдә мән өзүмә гаршы јөнәлән иттиһамлары ҹавабландырмышам. Еләҹә дә Әлијевин, онун јахынларынын етдији ҹинајәтләри бир-бир садаламышам.
- Сирр дејилсә, о касети үнванына неҹә чатдырдыныз? Чүнки һәмин вахт ахтарышда идиниз?
- Бу елә белә иш дејилди ки... Әтрафлы дүшүнмүшдүм вә бу касетләри бир нечә дөвләт органына фәдакар адамлар васитәсилә чатдырмышдым. Өзү дә елә гајдада ки, о адамлары һеч ким дешифрә едә билмәсин. Едә билмәдиләр дә...
- Сизҹә, Һејдәр Әлијев о мүраҹиәтинизи изләјиб?
- Әлбәттә, өзү дә ики дәфә. Һејдәр Әлијев она АзТВ-нин о вахткы сәдри Бабәк Һүсејновла бахыб. Ызләјәндән сонра о, ҝүҹ назирләрини чағырыб данлајыб ки, “сиз Рәһими неҹә ахтарырсыныз ки, о, кино чәкиб мәнә јоллајыр?”
- Һәмин видео-материалы “Азадлыг” сајтына тәгдим едә биләрсинизми?
- Сабаһ о, сиздә олаҹаг.
- Белә бир мараглы шәрһ дә вар ки, сиз Шушанын ишғалындан бир ҝүн әввәл - 7 мајда Москвада олмусунуз, даһа доғрусу, һәмин ҝүн тәјјарә илә Бакыја гајыдырмышсыныз. Бу доғрудурму?
- Хаһиш едирәм, ҹавабымы олдуғу кими јазын. О фикри јазан адам ја хәстәдир, ја да ҝөзүнә мән хәјал кими ҝөрүнмүшәм. Мән Москвадан мајын 5-дә гајытмышам. Орада олмағымын сәбәби исә рус ордусунун Азәрбајҹандан чыхарылмасы үчүн 15 мајда Дашкәнддә имзаланаҹаг протоколу һазырламаг олуб.
- Гәзетә јазылан аҹы шәрһләр кими реаксијаларла инсанларла ҹанлы тәмаслар заманы да гаршылашырсынызмы?
- 7 илдир ки, һәбсдән чыхмышам. О вахтдан бу ҝүнә гәдәр инсанлар арасында сәрбәст ҝәзирәм, нә ҹанҝүдәним вар, нә дә башга бир мүһафизәм. Һәр суала да ҹаваб вермәјә һазырам. Бу мүддәтдә ҹәми 2-3 нәфәр јахынлашыб дејиб ки, ај торпағы сатдын-филан. Онлардан да бирини таныјырам, өјрәдилмиш адам иди.
- Таныдығыныз-танымадығыныз инсанлардан ағыр иттиһамлар ешитмәк сизи ағрыдырмы?
- Билирсинизми, мән инсанларымызы гынамырам. Мәним кими онлар да информасија блокадасында галыб. Бәзиләри сәмими олараг, мәним һаггымда елә дүшүнүрләр. Мән бу адамлара һеч нә дејә билмәрәм, гынамырам да. Сизә бир сөз дејим, 20 илдир мәним әлејһимә әкс-тәблиғат ҝедиб. Һаггымда елә сөзләр дејибләр ки, атам һаггында ону десәјдиләр вә мән садәлөвһ бири олсајдым, инаныб, ҝедиб доғма атамы ҝүлләләјәрдим.
Амма сифаришлә ағызларына ҝәләни јазанлар вар һа... Онлара демәк истәјирәм ки, киши өз мәнлијини 3-4 маната сатмаз. Бу ҹүр чиркли јолла балаларыныза чөрәк газанмајын.
Натиг
Диггәт: Хәбәрдән истифадә етдикдә мәнбәјә истинад лазымдыр
