Әһли Бејт -АБНА- хәбәр аҝентлијинин вердији хәбәрә әсасән Тәбриз, Оску, Азәршәһр әһалисинин 9-ҹу Ислами Шура Мәҹлисинә сечилмиш нүмајәндәси деди: "Азәрбајҹан Республикасы сионистләрин базасына чеврилиб вә һомосексуалларын бу өлкәдә парад кечирмәси сионистләрин планыдыр".
АранНјүс-ин мәлуматына әсасән, чәршәнбә ахшамы ҝүнү Тәбриз әһалисинин Азәрбајҹан Республикасынын Тәбриздә јерләшән консуллуғу гаршысында Бакы дөвләтинин анти-Ислам һәрәкәтләрини мәһкум едән етираз аксијасында чыхыш едән Мәһәммәд Исмаил Сәиди Бакы дөвләтинин мүсәлман бир өлкәдә әхлагсызлығын тәрвиҹ етмәсини писләмәклә јанашы, Азәрбајҹан Республикасынын рәһбәрләринин бу өлкә мүсәлманларынын истәкләринә диггәтлә јанашмаларыны вә ҝеј-парады ләғв етмәләрини истәди.
О, билдирди ки, тарихин шаһидлијинә әсасән, Иран Ислам республикасындан ајры дүшдүкдән сонра Аразын о тајынын халгынын дини гејрәти о һәддә олмушдур ки, Нәҹәф алимләринә мәктуб јазараг, коммунистләрин һөкумәти алтындан чыхмаг үчүн ҹиһад иҹазәси истәмишдиләр. Бу ҝүнләри һәмин өлкәдә ән чиркин аддымлар атылыр вә бу анҹаг тәәссүф һисси јарадыр.
Сәиди вурғулады: Бу ҝүнләри демократија, азадлыг вә инсан һүгугларындан дәм вуранлар, АР-да инсан һүгугларынын тапдаланмасынын шаһидләридир вә ејни һалда ону һимајәт едирләр.
О, хатырлатды: Азәрбајҹан өлкәсиндә инсан һагларына зидд һәрәкәтләр мүсәлманларын, әсасән дә Азәрбајҹан вә Тәбриз әһалисинин үрәјини јараламышдыр. Тәбриз әһалиси бу аксија илә АР-дакы анти-Ислам һәрәкәтләрә өз етиразыны вә нифрәтини билдирир.
Тәбриз, Оску, Азәршәһр әһалисинин 9-ҹу Ислами Шура Мәҹлисинә сечилмиш нүмајәндәси Азәрбајҹан Республикасынын халг олмадан кимлијинин дә олмамасыны ачыглајараг деди: "Гарабағы азад едә биләҹәк гејрәтли инсанлар зинданлара салыныб вә инсан һагларыны мүдафиә тәшкилатлары сусубдур".
Сәиди, биз азәрбајҹанлыјыг вә Азәрбајҹан халгы бизим баҹы-гардашларымыздыр дејәрәк, Азәрбајҹан дөвләтини дост вә дүшмәнини танымаға сәсләди вә бу ҝүн аксијаја топлашанлары Азәрбајҹан дөвләтинин досту адландырды.
Сәиди артырды: "Әҝәр сиз дост ахтарырсынызса, мүсәлманларын дүшмәнләри сизә дост ола билмәз. Әҝәр сиз дост ахтарырсынызса , әмин олун ки, сәккиз ил өз торпағындан бир гарыш да дүшмәнә вермәјән ИИР вә Азәрбајҹан халгы сизин һәгиги достунуздур".
О, Азәрбајҹан дөвләтиндән сионистләрлә әлагәләринә јенидән бахмасыны вә мүнафигләрә јер вермәк кими анти-ИИР һәрәкәтләрдән әл ҝөтүрмәсини истәјәрәк деди: "Азәрбајҹан Республикасы сионистләрин базасына чеврилиб вә һомосексуалларын бу өлкәдә парад кечирмәси сионистләрин планыдыр вә бу планлар Азәрбајҹан өлкәсинин мәзлум халгынын малы вә пулу илә иҹра едилир".
Сәиди вурғулады: "Бакы дөвләти сионист режимин бу өлкәјә шүбһәли сәфәрләри гаршысында ҹавабдеһ олмалыдыр".
Мәһәммәд Исмаил Сәиди артырды: "Бакы дөвләти мүсәлманларын гаршысында исламофоб һәрәкәтләринә ҹаваб вермәлидир вә 90 фаизи шиә олан бир өлкәдә анти-Ислам һәрәкәтләри гәбуледилмәздир".
Сәиди Азәрбајҹанын дөвләт рәсмиләринә хитаб едәрәк деди: "Халгын ирадәси гаршысында дајанмаг олмаз, анти-Ислам һәрәкәтләриниздән әл чәкин".
Тәбризин нүфузлу руһаниләриндән олан Һөҹҹәтүл Ислам Маһмуд Исмаили дә аксијадакы чыхышында Азәрбајҹан Республикасынын әсас проблемини бу өлкәнин 20 фаиздән чох торпагларынын ишғал алтында олмасы билдириди вә Бакы дөвләтиндән бу әразиләрин азадлығы үчүн әмәли сурәтдә чалышмасыны истәди.
Диггәт: Хәбәрдән истифадә етдикдә мәнбәјә истинад лазымдыр
