Әһли Бејт -АБНА- хәбәр аҝентлијинин вердији хәбәрә әсасән "Милли-Мәнәви Дәјәрләр" Иҹтимаи Бирлијинин сәдри Һаҹы Меһди Мәммәдовун вәкили Заман Сәмәдов Исламазери.аз-а билдириб ки, Һаҹы Меһдинин истинтагы јекунлашыб. Вәкил дејиб ки, Меһди бәјлә бирликдә истинтагын јекун нәтиҹәләри илә таныш олдугдан сонра иши прокурорлуға ҝөндәрилиб.
Артыг мәһкәмәнин тәјин олунмасы ҝөзләнилир. Мәһкәмә иҹласлары ачыг кечәҹәк.
Хатырладаг ки, "Милли-Мәнәви Дәјәрләр" Иҹтимаи Бирлијинин сәдри Меһди Мәммәдов феврал ајынын 18-и полис бөлмәсинә чағырылмыш, бөлмәдән чыхаркән Милли Тәһлүкәсизлик Назирлијинин әмәкдашлары тәрәфиндән әбәс јерә сахланылмышдыр. Һаҹы Меһди Мәммәдов Ҹинајәт Мәҹәлләсинин 234.1-ҹи маддәси илә јәни сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахламагда шәрләнилир.
Диггәт: Хәбәрдән истифадә етдикдә мәнбәјә истинад лазымдыр
