Әһли Бејт -АБНА- хәбәр аҝентлијинин вердији хәбәрә әсасән анти-Ислам әлијевләр режими Мүсәлманлара гаршы јүрүтдүјү чиркин сијасәтләрин давам етдирмәкдәдир. Белә ки, режимин Ҝөјчај полиси тәрәфиндән Феврал ајынын 29-у шәрләнәрәк һәбс олунмуш Мирзәјев Мирәлиҹан Мирәминаға оғлунун апрелин 25-дә сон мәһкәмәси кечирилмишдир.
Ҝөјчај рајон мәһкәмәсиндә муздур һаким Елхан Сүлејмановун сәдрлији етдији гондарма мәһкәмәдә Һаҹы Мирәлиҹан Мирзәјев тәгсирли билинәрәк 1 ил азадлыгдан мәһрум едилмишдир.
Бүрүн диндарлар кими Ҝөјчај шәһәри Натаван күчәсиндә јашајан Һаҹы Мирәлиҹан да ел арасында иманлы, сәхавәтли, шүҹаәтли бир диндар кими таныныр. Даим хејријјә ишләри илә мәшғул олан Һаҹы Мирәлиҹан јәһуди мејилли әлијевләр режими тәрәфиндән Азәрбајҹанда Ислама гаршы јүрүдүлән шејтани сијасәтләрә сәссиз галмамышдыр. О, Мәсҹид сөкүнтүсүнә, Азан, Һиҹаб гадағасына вә бу илин мај ајында Бакыда кечирилмәси нәзәрдә тутулан, бәднам евровисион фәсад мүсабигәсинин тәркиб һиссәси олан “Ҝеј Парада”-да өз етираз сәсини уҹалтмышдыр. Онун һәбс олунма сәбәбидә мәһз бу етиразлар, Әмр бе Мәруф вә Нәһј әз Мүнкәрә әмәл етмәси олмушдур.
Апрелин 25-и Мәһкәмә просесиндә чох сајда Ҝөјчајлы иштирак етсәдә мәһкәмә залына јалныз мәһкумун анасы, үч гардашы вә ики нәфәр гоһуму бурахылмышдыр. Мәһкәмәдә сон сөз дејән Һаҹы Мирәлиҹан Мирзәјевин чыхышыда тәсирли олмушдур:
“Мәнә нәнәм Зәһранын (с.ә) шәһадәт ҝүнү иш кәсилир. Мәнә гаршы сүрүлән иттаһамлары мән рәдд едирәм. 55 ҝүнлүк һәбсим мүддәтиндә тәҹридханада сизин јемәкләрдән мән имтина етмишәм. Һәтта сизин сулардан белә ичмәмишәм. Сизләрдән һәр шеј ҝөзләмәк олар. Өз мәкрли планларынызы һәјата кечирмәк үчүн, мәни наркотиклә шәрләјиб һәбс етдијиниз үчүн вердијиниз јемәкләрин ичиндән нәләр чыха биләҹәјини Аллаһ билир.
Мәккәдә Һәҹҹ зијарәтиндә мән Аллаһа (ҹ.ҹ) “Ләббејк, Аллаһуммә Ләббејк” демишәм. Сизләрә исә һеч вахт “Ләббејк” демәрәм.”
-Режимин муздур һакими сөзүнү кәсәрәк билдирир: “Бура сәнин үчүн Мәккә дејил”
-Һаҹы Мирәлиҹанын: Билирәм Мәккә дејил Мән Мәккәдә 3 Шејтана даш атмышам, инди исә о шејтанлары Азәрбајҹанда даһа чох ҝөрүрәм”
Гејд едәк ки, Һаҹы Мирәлиҹан Мирзәјевин һал-һазырда Ҝәнҹәдәки 2 сајлы Истинтаг Тәҹридханасында сахланылыр. Онун 20 ҝүнә јахын орада галаҹағы билдирилир.
Хатырладаг ки, Һаҹы Мирәлиҹан Мирзәјев мөвҹуд әлијевләр режими тәрәфиндән шәрләнәрәк Ҹинајәт Мәҹәлләсинин 234.1-ҹи (ганунсуз наркотик маддә сахлама) маддәси илә иттиһам олунур.
Диггәт: Хәбәрдән истифадә етдикдә мәнбәјә истинад лазымдыр
