Әһли Бејт -АБНА- хәбәр аҝентлији- 28 апрел ишғалынын нөвбәти гара илдөнүмүнү јашајырыг. Анҹаг дејир дәрд вар, дәрди унутдурар. Ишғал да елә. Ҝерчәк бу ки, Азәрбајҹанын әҝәр 20 фаизи ермәни ишғалы алтындадырса, јердә галаны да ЈАПтократик режимин дөзүлмәз мәнәви басгысы, әсарәти алтындадыр ахы.
Гуру мүстәгиллијә доғрудан да һеч нә дүшмүр. Дәрд бу ки, 92 ил өнҹәки апрел чеврилишинин мәмләкәтимизә ҝәтирдији фаҹиәләр, 93-ҹү илин Ҝәнҹә гијамынын бәхш етдији бәлаларын јанында артыг кичик ҝөрүнүр. Бу гијамын милли јаралар шәклиндә нәтиҹәләри, фәсадлары битмәк билмир, үстәлик илбәил даһа да мүрәккәбләшир, һәлли мүшкүллә чеврилир.
Јағышдан чыхыб јағмура дүшүб халг. Ону һәгиги мәнада өз мүстәгиллијинә, 20 ил өнҹә апардығы уғурлу милли-азадлыг һәрәкатына пешман едиб необолшевикләр. Вә санки бу мүбаризәјә гошулмадыглары, ССРИ-нин сахланмасына наил олмадыглары үчүн кечмиш “комблок”чулыар вә онларын һакимијјәтдәки варисләри милли гүввәләрдән, халгдан гисас алырлар.
Гисас неҹә олур ки? Ҝуја мүстәгилик, амма өлкәнин јералты-јерүстү сәрвәтләри, нефти, дәнизи, мешәләри, сәфалы јерләри, сују, һавасы халга јох, де-факто балаҹа вә тамаһкар бир зүмрәјә – һаким тәбәгәјә мәхсусдур, јыртыҹы мәмур-олигархларын мүлкијјәтинә чеврилиб. Өлкәнин садә вәтәндашы исә Вәтәнин ики гарыш торпағында өзү вә аиләси үчүн балаҹа бир дахма гараламаг бир јана, јајда һеч Хәзәр дәнизиндә кефи истәјән гәдәр чиммәк, саһилиндә загар алмаг вә балыг тутмаг һаггына да саһиб дејил.
Ҝуја мүстәгил дөвләтик, өз ирадәмизин саһибијик, һакимијјәтин дә мәнбәји халгдыр, амма 19 илдир өлкәдә милли ирадәдән кәнар, сахта парламентләр формалашыр, президентләр вә депутатлар “сечилир”, халгын ирадәсиндән кәнар хариҹи сијасәт, Гарабағ данышыглары апарылыр.
Гисас неҹә олур? Ҝуја өлкәдә ганунла чохпартијалы систем мөвҹуддур, анҹаг ССРИ-нин мини формасы, бирпартијалы систем бәргәрар едилиб. Сталинизм даһа әҹаиб формада зүһур едиб, ким ЈАП-дан дејил, дүшмән сајылыр. Сијаси мүхалифәт, азад фикирли инсанлар, фәргли дүшүнәнләр, азад мәтбуат күнҹә сыхылыб, тәгиб едилир. Телерадио ефири рәһбәрә ләббејк демәјәнләрин үзүнә бағлыдыр, өлкә падшаһлыг әјјамынын бир аддымлығына ҝәлиб чыхыб, конститусија монархија идарәчилији үчүн дәјишдириләрәк һазырланыб. Һалбуки һәлә Ҹүмһуријјәт дөврүндә илк мәрһәләдә президентлик институтундан имтина едилмиш, коллеҝиал идарәчилик (парламентли республика) јолу тутулмушду ки, өлкәдә шәхсијјәтә пәрәстиш мејлләри јаранмасын, дөвләтин ајаг үстә дурмасы даһа јахшы тәмин едилсин.
Гисас неҹә олур ки, әҝәр рәсми јалан-паланлар, ҹәннәт нағыллары, приписка, шәхсијјәтә пәрәстиш Азәрбајҹанда дөвләт сијасәти сәвијјәсинә галдырылыб, дөвләт вәтәндашын һүгугларынын гаранты олмаг әвәзинә халг үзәриндә зоракы апарата, рекет машынына чеврилиб? Өлкәдә мәһз мәдһијјә дејәнләр, јалтаглар өдүлләнир, јухары баша чыхарылыр, ҝерчәји дејәнләрин исә дили кәсилир, зиндана салыныр...
Бу ҝүн Азәрбајҹан Республикасы тәмәл азадлыгларын сәвијјәсинә, плүралист ҹәмијјәт параметрләринә ҝөрә һәтта Ҹүмһуријјәт дөврүндәкиндән дә ҝеридирсә вә һәр ҝүн даһа ҝери ҝедирсә, “мүасир” Азәрбајҹанын ады мөтәбәр бејнәлхалг тәшкилатларын гара сијаһыларындан дүшмүрсә, дүнјада гејри-азад өлкә кими танынырыгса, о бөјүк кишиләрин, истиглал гуруҹуларынын, үчрәнҝли бајрағымызын мүәллифинин, ән әввәл дә бөјүк өндәримиз Мәһәммәд Әмин Рәсулзадәнин мәзарлары түстүләнмәјә биләрми?
Нәһајәт, ҝуја 20 илди мүстәгил олуб милли дәјәрләримизә, көкүмүзә саһиб чыхмышыг. Анҹаг ХХЫ әсрдә дә Азәрбајҹанда мәсҹидләр учурулур, азана, мәктәбләрдә һиҹаба јасаг гојулуб, мөмин инсанлар, илаһијјатчылар һәтта ҹибләринә наркотик атылараг тутугланыр, шәрләнирләр. Өлкәдә репрессија машыны бир ан да дајанмыр, сәнҝимир. Бу репрессијалары апаранларын, ПКК симпатизанларына рәғбәт бәсләјәнләрин вә онлары јухары баша чыхаранларын түркчүлүјүндән исә данышмаға дәјмир.
Гырмызы, ҝөј, јашыл... Ҝөрәсән ЈАП-тократлат һеч олмаса, бајрағымыздакы рәнҝләрин мәнасыны билирләрми? Онларын һеч олмаса, ишыгфордакы рәнҝләрдән фәргләндијинин фәргиндәдиләрми?
Әлбәттә ки, бир ҝүн ермәни ишғалынын да сону ҝәләҹәк, әрази бүтөвлүјүмүз бәрпа едиләҹәк. Анҹаг дөвләтчилијимиз вә тәрәггимиз үчүн гызылдан гијмәтли илләри, чиркаба булашдырылан мәнәви дәјәрләримизи, коррозијаја уғрадылан мәнәвијјатымызы, сечкиләрә (һакимијјәтин динҹ јолла дәјишдирилмәсинә) халгын инамыны бәрпа едә, гајтара биләҹәјикми? Ән бетәри дә елә о инамын итирилмәси дејил?
Заһид СӘФӘРОҒЛУ
Диггәт: Хәбәрдән истифадә етдикдә мәнбәјә истинад лазымдыр
