Әһли Бејт -АБНА- хәбәр аҝентлијинин вердији хәбәрә әсасән «Һералдонлине» Сһеера Френкел-ин Азәрбајҹан-Исраил мүнасибәтләриндән бәһс едән јазысыны дәрҹ едиб. Јазыда гејд олунур ки, Исраиллә Азәрбајҹанын тиҹарәт дөвријјәси илдә 4 милјард доллардыр.
Исраилин кечмиш Совет республикалары ичиндә ән бөјүк тиҹарәт дөвријјәси мәһз Азәрбајҹанладыр. Исраил рәсмиләри тез-тез бу өлкәјә сәфәрләр едирләр, бу ҝүнләрдә исә хариҹи ишләр назири Авиҝдор Лиеберман ҝәлиб. «Бизим мүнасибәтләр чох интенсивдир», Лиеберман дејиб.
Мүәллиф иддиа едир ки, Азәрбајҹанын Иран вә Русија арасындакы мөвгеји ону дипломатик «хәфијјәләр јува»сына чевириб. Мүхтәлиф, хүсусилә дә дүшмән өлкәләр – АБШ, Иран, Русија вә Исраил – бурада бир-биринә гаршы кәшфијјат материалы топлаја билиб.
Исраилин Азәрбајҹанла тиҹарәти исә даһа чох мараг ојадыр. Февралда Азәрбајҹан һәрби аваданлыг, пилотсуз тәјјарә вә саирә алмаг үчүн Исраил Аероспаҹе Сәнаје Ширкәтинә 1,6 милјард доллар өдәјиб. Азәрбајҹан һәмчинин Исраилин енержи еһтијаҹынын 30 фаизини өдәјир.
«Исраилин реҝионал мәгсәдләриндә Бакынын мүһүм ролу вар», буну Азәрбајҹан тиҹарәт сөвдәләшмәләриндә иштирак етмиш бир Исраил дипломаты дејир.
Даһа јахшы вариант һансыдыр?
Бу мүнасибәтләр һарајаҹан ҝедә биләр? Исраил Иранын нүвә програмына ҝөрә һәрби тәдбир ҝөрәҹәји илә һәдәләјиб. «Фореиҝн Полиҹј» журналы иддиа едирди ки, Исраил бу мәгсәдлә Азәрбајҹанда һава базасына чыхыш әлдә едиб.
Азәрбајҹан вә Исраил рәсмиләри бу мәлуматы тәкзиб едибләр. Ады чәкилмәјән Исраил рәсмиләри Исраилин 2-ҹи каналына дејибләр ки, Азәрбајҹанда һава базаларындан «даһа јахшы, даһа практик вариантлар» вар.
Азәрбајҹанла Иранын мүнасибәтләри исә писләшмәкдә давам едир. Исраилин Моссад аҝентләринин Азәрбајҹанда фәалијјәтини иддиа едән мәлуматларла бағлы Азәрбајҹанын Ирандакы сәфири Хариҹи Ишләр Назирлијинә чағырылыб.
Азәрбајҹанда исә һәрби експертләр тәхмин едирләр ки, бу өлкәдәки һава базаларындан Иран үзәринә пилотсуз тәјјарә миссијалары үчүн истифадә олуна биләр, нәинки һүҹум.
Диггәт: Хәбәрдән истифадә етдикдә мәнбәјә истинад лазымдыр
