Әһли Бејт -АБНА- хәбәр аҝентлијинин вердији хәбәрә әсасән Ирагын Баш Назири Нури әл-Малики Түркијәнин АБШ јөнлү сијасәтләринә етираз олараг сәрт бир бәјанатла чыхыш едәрәк билдириб: “Түркијәнин бөлҝәдә һеҝемонлуг етмәк ҹәһдләри вә гоншу өлкәләрин ишләринә гарышмаг арзусу бу өлкәни реҝионун бүтүн өлкәләри үчүн дүшмәнә чевирәҹәк”.
Ҹәнаб Нури әл-Малики һабелә бәјанатында Әрдоғанын өзбашналыгларына ишарә едәрәк билдириб: «Бу ҹүр дахили вә реҝионал сијасәти давам етдирмәк Түркијәнин марагларына зәрбә вураҹаг вә ону һамы үчүн дүшмән дөвләтә чевирәҹәк... Өз сон бәјанаты илә баш назир Тајјиб Әрдоған јенидән Ирагын дахили ишләринә гарышмаға башлајыр вә әввәлки кими бөлҝәдә һеҝемонлуг етмәк хәјалы илә јашадығыны сүбут едир»
Хатырладаг ки, апрелин 19-да Истанбулда Ираг күрдләринин лидерләриндән бири олан Мәсуд Бәрзани илә ҝөрүш заманы Түркијәнин баш назири Әрдоған бир даһа Шиәлијә гаршы өз кин-күдрәтини бәјан едәрәк Әл-Малики һөкумәтини сүнниләрә гаршы дискриминасијада ҝүнаһландырыб.
Диггәт: Хәбәрдән истифадә етдикдә мәнбәјә истинад лазымдыр
