Әһли Бејт -АБНА- хәбәр аҝентлији- Мәлум олдуғу кими, Азәрбајҹанда кечирилмәси планлашдырылан «Авровизија» јарышмасына дүшмән Ермәнистан тәрәфи илк әввәл гатылаҹағыны бәјан етсә дә, сонрадан бу фикирдән ваз кечди. Мараглы орасы иди ки, ермәни тәрәфи имтина гәрарыны изаһ едәркән даһа чох тәһлүкәсизлик мөвзусунда нараһатчылыг кечирдикләрини ифадә етмишдиләр. Һалбуки рәсми Бакы бу мәсәләдә Ирәвана вә бејнәлхалг тәшкилатлара рәсмән тәминат вермишди.
Инди исә «Авровизија» јарышмасынын тәһлүкәсизлик мәсәләси јенидән ҝүндәмә ҝәтирилир. Бу барәдә бу ишдә Азәрбајҹанын Милли Тәһлүкәсизлик Назирлијинин гүввәсинин вә тәҹрүбәсинин јетәрсизлијиндән нараһатчылыг кечирән мүсабигә тәшкилатчылары АБШ вә Исраилин азәрбајҹана јардым етмәсинә наил олублар. Лакин әсас ағырлығын јәһуди кәшфијјатына дүшдүјү дә сөјләнилир.
Әслиндә ҝөрүнтүдә олан тәһлүкәсизлијин полис тәрәфиндән тәмин едилмәсиндә проблем јохдур: «Әслиндә бурада ағыр бир иш дә јохдур. Полис отелләрдә вә туристләрин һәрәкәт едәҹәји үнванларда кешик чәкәҹәк. Әсас оланы кәшфијјат бахымындан тәһлүкәсизлијин тәминатындан ҝедир. Јәни артыг вәһабиләр рәсмән һәдәләрини сәсләндирирләр вә онларын јарышма заманы һансыса тәхрибатлара имза атма еһтималлары олдугҹа јүксәкдир. Белә олан тәгдирдә МТН дөрд ҝөзлә чалышмаг зорундадыр».
Мәнбәмиз билдирир ки, артыг бир ајдыр Исраилин хүсуси хидмәт органлары Бакы илә мәһз «Авровизија»нын тәһлүкәсизлијинин тәминаты мүстәвисиндә әмәкдашлыг едир вә бу ҝүнләрдә Тел-Әвивдән бөјүк бир аҝент һејәти Азәрбајҹана ҝәлиб.
Диггәт: Хәбәрдән истифадә етдикдә мәнбәјә истинад лазымдыр
