Әһли Бејт -АБНА- хәбәр аҝентлијинин вердији хәбәрә әсасән Бакыда Авронест Парламент Ассамблејасынын икинҹи сессијасында мараглы олај јашаныб. Милли Мәҹлисин бинасында кечирилән иҹласа башламаздан габаг тәдбирә спикерлик едән болгарыстанлы депутат Виҝенин Кристиан Бакыны “ингилаб үчүн ҝөзәл шәһәр” кими характеризә едиб вә бу алгышларла гаршыланыб. Бу барәдә "Азадлыг"а иҹлас иштиракчыларындан бири мәлумат вериб.
Мәлуматда дејилир ки, иҹлас залында гәләбәлији ҝөрән депутат “Бура нә чох инсан топлашыб, санки, ингилаб баш верир. Үмумијјәтлә Бакы ингилаблар үчүн ҝөзәл шәһәрдир” дејиб вә бүтүн дүнјанын Азәрбајҹандакы вәзијјәт барәдә мәлуматлы олдуғуну әлавә едиб.
Иҹласда иштирак едән 20-дәк авропалы депутат Виҝенин Кристианын дедикләрини алгышларла гаршылајыб.
Диггәт: Хәбәрдән истифадә етдикдә мәнбәјә истинад лазымдыр
