Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын Иран Ислам Республикасы сәрһәдиндәки һәрби һава базаларынын Исраил режиминин ҝириши үчүн ачылаҹағы иддиа едилир. АБШ кәшфијјат сәлаһијјәтлиләри исә Азәрбајҹанда Исраил режиминин тәсиринин чох дәрин олдуғу вә бу әлагәнин Исраил-Иран ҝәрҝинлијини азалтма сәјләрини гарышыг һала ҝәтирәҹәји һаггында нараһатлыг ифадә едилир.
Американын “Фореиҝн Полиҹј” журналы јүксәк сәвијјәли Америка дипломатларына вә һәрби кәшфијјат сәлаһијјәтлиләринә истинад етдији хәбәриндә Иран Ислам Республикасынын шимал сәрһәдиндәки Азәрбајҹан һәрби һава базаларына Исраил режиминин ҝиришинә иҹазә верилдијини билдирир. АБШ-лы али сәвијјәли бир рәсми журналдан Марк Перрјә "Исраиллиләр бир аеродрому сатын алды вә бу аеродромун ады Азәрбајҹандыр" дејә билдириб. Хәбәрә ҝөрә, АБШ кәшфијјат рәсмиләри Азәрбајҹанда Исраил режими тәсиринин Исраил-Иран ҝәрҝинлији азалтмаг үчүн АБШ-ын сәјләринә зәрәр вермәсиндән нараһатдыр. Һәрби мүтәхәссисләр инди Гафгазын да јер алаҹағы бир дөјүш ссенариси үчүн һазырланмаг мәҹбуријјәтиндәдир.
Азәрбајҹанын 4 көһнә базасы истифадәјә јарарлыдыр
Ислам Республикасыны јахындан изләдикләрини вә она гаршы башлана биләҹәк бир Исраил режими һүҹумунун нәтиҹәләрини гијмәтләндирдикләрини ифадә едән америкалы бир забит дејиб: "Амма инди Исраилин Азәрбајҹанда нә етдијини изләјирик. Вә бу мөвзуда раһат дејилик".
Хәбәрә ҝөрә, Азәрбајҹан ордусу Совет дөврүндән галма вә тәрк едилмиш 4 һава базасынын Исраил режими үчүн һазыр олдуғуну сөјләјиб.
Јазылы рәсми сәнәд јохдур
Америкалы сәлаһијјәтлиләр Исраил режиминин бу һава базаларына ҝириш һаггыны "сәссиз бир сијаси вә һәрби сазиш мүддәтиндә" әлдә етдијини билдирибләр. АБШ сәлаһијјәтлиләри ортада "јазылы бир шеј" олдуғуна инанмадыгларыны, анҹаг Исраил режиминин гырыҹыларынын бир һүҹумдан сонра Азәрбајҹана ениш иҹазәсини истәмәси вә бу иҹазәни алаҹағы истигамәтиндә шүбһәләринин олмадығыны сөјләјирләр.
Феврал ајында Исраил режими илә рәсми Бакы пилотсуз тәјјарәләр вә РӘМ системләрини еһтива едән 1,6 милјард долларлыг бир силаһ сазиши имзаламышды. Даһа сонра Иран ислам Республикасы илә әлагәли олдуғу иддиа едилән бәзи шәхсләр Исраил режиминә гаршы һүҹум планлашдырма иттиһамы илә Бакыда һәбс олунуб. Ислам Республикасы, торпагларыны “Моссад” аҝентләринә истифадә етдирдијини сөјләјәрәк, Азәрбајҹана сәрт реаксија вериб.
"Бәзи гүввәләр Азәрбајҹа-Иран әлагәләринә зәрбә вурмаға чалышыр"
Диҝәр тәрәфдән хәбәрин дәрҹ олунмасындан дәрһал сонра бир шәрһ ҝәлди вә Азәрбајҹан иддиалары тәкзиб етди. "ИИР, Түркијә, Русија вә Ҝүрҹүстана истигамәтләнмиш һәр һансы бир һәрәкәтә Азәрбајҹан өз торпагларындан иҹазә вермәз" дејән Азәрбајҹан Президент Администрасијасынын иҹтимаи-сијаси шөбә мүдири Әли Һәсәнов, бәзи гүввәләрин бу хәбәрләрлә ики өлкә арасындакы мүнасибәтләрә зәрбә вурмағы гаршыларына мәгсәд гојдуғуну билдирди. Хәбәри фәрзијјә олараг характеризә едән Ә.Һәсәнов дејиб: "Иран вә Азәрбајҹан арасында гаршыдурма јаратмаг вә араларында анлашылмазлыг чыхармаг вә Иран әтрафындакы мөвҹуд вәзијјәтдән истифадә етмәк истәјирләр". Ә.Һәсәнов бу сәјләрин һәдәфләринә чата билмәјәҹәјини сөјләјиб.
Диггәт: Хәбәрдән истифадә етдикдә мәнбәјә истинад лазымдыр
