ССРИ Әманәт Банкындакы Пуллар Ҝери Өдәнилир!

Әһли Бејт -АБНА- хәбәр аҝентлијинин вердији хәбәрә әсасән Кечмиш ССРИ Әманәт Банкынын Азәрбајҹан Республикасы Банкынын Азәрбајҹан Республикасынын вәтәндашлары олан әманәтчиләринә фәрди бирдәфәлик өдәмәләрин верилмәси Гајдалары ачыгланыб.

1. Үмуми мүддәалар

Бу Гајдалар 1992-ҹи ил 1 јанвар тарихинәкечмиш ССРИ Әманәт Банкынын Азәрбајҹан Республикасы Банкынынәманәтчиләри олан вәһәмин банкын һүгуги вариси “Капитал Банк” Ачыг Сәһмдар Ҹәмијјәтиндә(бундан сонра – Банк) бу Гајдаларын гүввәјә миндији тарихәшәхси әманәт һесабларынын галыгларыны сахламыш Азәрбајҹан Республикасы вәтәндашларына вә ја онларын вәрәсәләринә,һәмин һесабдакы галыглар нәзәрә алынмагла,фәрди бирдәфәлик өдәмәләрин (бундан сонра – бирдәфәлик өдәмә)верилмәсинин принсипләрини, һалларыны вә шәртләрини мүәјјән едир.

2. Әсас анлајышлар

2. Бу Гајдаларын мәгсәдләри үчүн ашағыдакы әсас анлајышлардан истифадә едилир:

2.1. әманәтчи - 1992-ҹи ил 1 јанвар тарихинә кечмиш ССРИ Әманәт Банкынын Азәрбајҹан Республикасы Банкында әманәти олан вә бу Гајдалар гүввәјә миндији тарихә Банкда әманәт галығыны сахламыш Азәрбајҹан Республикасы вәтәндашлары вә ја онларын вәрәсәләри;

2.2. әманәт галығы - әманәтчиләрин1992-ҹи ил 1 јанвар тарихинә кечмиш ССРИ Әманәт Банкынын Азәрбајҹан Республикасы Банкында шәхси әманәт һесабларында олан вә 1992-ҹи ил августун 15-дән Азәрбајҹан Республикасы милли валјутасынын дөвријјәјә бурахылмасы заманы һесаблашмаларда мүәјјән едилән манатын рубла олан нисбәти (1 Азәрбајҹан манаты = 10 рубл) вә 2006-ҹи ил јанварын 1-дән һәјата кечирилмиш манатын деноминасијасы (1 јени Азәрбајҹан манаты = 5000 Азәрбајҹан манаты) нәзәрә алынмагла, бу Гајдаларын гүввәјә миндији тарихә Банкда сахладығы пул вәсаитләри;

2.3. әманәт (банк) китабчасы - кечмиш ССРИ Әманәт Банкынын Азәрбајҹан Республикасы Банкында әманәтчијә шәхси әманәт һесабынын ачылмасыны вә бу һесабда пул вәсаитинин олмасыны тәсдиг едән сәнәд;

2.4. рубл – кечмиш Совет Сосиалист Республикалары Иттифагында истифадә едилән пул ваһиди;

2.5. манат – 2006-ҹы ил 1 јанвар тарихиндән Азәрбајҹан Республикасынын әразисиндә өдәниш васитәси кими ишләдилән пул ваһиди;

2.6. мүвәккил банк – кечмиш ССРИ Әманәт Банкынын Азәрбајҹан Республикасы Банкынын һүгуги вариси олан “Капитал Банк” Ачыг Сәһмдар Ҹәмијјәти;

2.7. вәрәсә - вәфат етмиш (өлмүш) әманәтчинин (мирас гојанын) мүлки ганунвериҹиликлә мүәјјән едилмиш гајдада әмлакынын (әманәтинин) кечдији Азәрбајҹан Республикасынын вәтәндашлары олан шәхсләр.

3. Бирдәфәлик өдәмә, онун һесабланмасы гајдасы вә малијјә мәнбәји

3.1. Әманәтчиләрә дөвләт тәрәфиндән бу Гајдаларын 3.2-ҹи бәндиндә нәзәрдә тутулан гајдада һесабланмагла бирдәфәлик өдәмә верилир.

3.2. Бирдәфәлик өдәмә, әманәт галығынын мәбләғиндән асылы олараг, ашағыдакы ҹәдвәлдә мүәјјән едилмиш гајдада һесабланыр:

4. Бирдәфәлик өдәмәнин верилмәси гајдасы вә мүддәти

4.1. Бирдәфәлик өдәмәни алмаг үчүн әманәтчи шәхси әманәт һесабыны бағламаг барәдә мүвәккил банка әризә илә мүраҹиәт етмәли вә әризәјә ашағыдакы сәнәдләр әлавә олунмалыдыр:

4.1.1. әманәт (банк) китабчасы вә ја бу Гајдаларын 4.3-ҹү бәндинә ујғун олараг ону әвәз едән сәнәд;

4.1.2. Азәрбајҹан Республикасы вәтәндашынын шәхсијјәт вәсигәси;

4.1.3. сојад вә ад дәјишиклији олдуғу һалда, һәмин дәјишиклији тәсдиг едән сәнәдин нотариал гајдада тәсдиг едилмиш сурәти;

4.1.4. вәсаит вәрәсәләрә өдәниләҹәји һалда вәрәсәләрин мирас әмлака (әманәтә) һүгуглары барәдә сәнәдин нотариал гајдада тәсдиг едилмиш сурәти вә ја бу барәдә мүвафиг мәһкәмә гәрары.

4.2. Бу Гајдаларын 4.1-ҹи бәндиндә нәзәрдә тутулмуш сәнәдләри Банка тәгдим едән әманәтчиләрин әманәт (банк) китабчасында олан мәлуматлар (банкын ады вә олдуғу јер, әманәт филиала гојулдугда исә һәм дә мүвафиг филиалын ады вә олдуғу јер, әманәт үзрә һесабын нөмрәси, һабелә һесаба көчүрүлмүш пул вәсаитинин бүтүн мәбләғләри, һесабдан силинмиш пул вәсаитинин бүтүн мәбләғләри вә әманәт (банк) китабчасынын банка тәгдим олундуғу анадәк һесабдакы пул вәсаитинин галығы вә һәмин мәлуматларын банк тәрәфиндән тәсдиги) Банкда олан сәнәдләрдәки мәлуматларла тутушдурулур. Тутушдурма заманы мәлуматлар өз тәсдигини тапарса, әманәтчијә бирдәфәлик өдәмәнин верилмәси бу Гајдалара ујғун олараг Банк тәрәфиндән һәјата кечирилир.

Тутушдурма заманы мәлуматларда ујғунсузлуг ашкар едилдикдә, әманәтчинин мүраҹиәти әсасында бу Гајдаларын 5-ҹи бәндиндә ҝөстәрилән Хүсуси Комиссија тәрәфиндән арашдырма апарылыр вә мүвафиг гәрар гәбул едилир.

4.3. Әманәт (банк) китабчасы итирилдикдә вә ја тәгдим олунмаг үчүн јарарсыз вәзијјәтә дүшдүкдә, әманәтчинин вердији мәлуматлар үзрә Банкда тутушдурма апарылыр. Тутушдурма нәтиҹәсиндә әманәтчинин өз әризәсиндә вердији мәлуматлар тәсдигини тапарса, Банкын тәклифи илә бу Гајдаларын 5-ҹи бәндиндә ҝөстәрилән Хүсуси Комиссијанын гәрары әсасында әманәтчијә әманәт (банк) китабчасыны әвәз едән сәнәд верилир вә бирдәфәлик өдәмәнин верилмәси һәмин сәнәдә әсасән һәјата кечирилир. Әманәт (банк) китабчасыны әвәз едән сәнәдин формасыны Хүсуси Комиссија тәсдиг едир.

4.4. Бирдәфәлик өдәмә әманәтчинин арзусу илә нағд гајдада вә ја онун диҝәр банк һесабына көчүрүлмәси јолу илә верилир.

4.5. Бирдәфәлик өдәмәни алмыш әманәтчинин Банка гаршы бүтүн тәләбләри тәмин едилмиш һесаб олунур вә әманәтчинин әманәт галыгларыүзрә банк мүгавиләсинә һәмин мәбләғи алдығы ҝүндән хитам верилир.

Әманәт галыглары үзрә Банк әманәти мүгавиләсинә хитам верилмәси бирдәфәлик өдәмәнинверилмәси үчүн әсасдыр.

4.6. Бирдәфәлик өдәмәнин алынмасы илә бағлы бу Гајдаларын 4.1-ҹи бәндиндә нәзәрдә тутулмуш гајдада 2012-ҹи ил 31 декабр тарихинәдәк Банка мүраҹиәт едилир. Һәмин мүддәтдән сонра мүраҹиәтләр гәбул едилмир вә онлара бахылмыр.

4.7. Бирдәфәлик өдәмәнин алынмасы үчүн әманәтчиләрин мүраҹиәт етмәси вә һәмин өдәмәләрин верилмәси мүддәти Азәрбајҹан Республикасынын Президенти тәрәфиндән ганунвериҹиликлә мүәјјән едилмиш гајдада узадыла биләр.

5. Бирдәфәлик өдәмәнин верилмәси үзрә јарадылмыш

Хүсуси Комиссијанын фәалијјәти

5.1. Бирдәфәлик өдәмәнин верилмәси үзрә јарадылмыш Хүсуси Комиссија һәмин бирдәфәлик өдәмәнин верилмәси заманы јаранмыш мүбаһисәли мәсәләләрә бахыр вә бу ишләрә үмуми нәзарәти һәјата кечирир. Хүсуси Комиссијанын бирдәфәлик өдәмәнин верилмәсинә даир гәбул етдији гәрарлар Банк үчүн мәҹбуридир. Әманәтчи Хүсуси Комиссијанын гәрарындан ганунла мүәјјән едилмиш гајдадааидијјәти үзрә мәһкәмәјә мүраҹиәт едә биләр.

5.2. Хүсуси Комиссијанын ишинә аидијјәти дөвләт органларынын нүмајәндәләри ҹәлб едилир (езам едилир) вә онлар бирдәфәлик өдәмәләрин верилмәси баша чатанадәк мүвафиг ишләрин һәјата кечирилмәсинә өдәнишли әсасларла тәһким едилирләр.

5.3. Хүсуси Комиссија бирдәфәлик өдәмәнин верилмәси вәзијјәти барәдә һәр нөвбәти ајын 10-дәк Азәрбајҹан Республикасынын Малијјә Назирлијинә ајлыг һесабат тәгдим едир.

Диггәт: Хәбәрдән истифадә етдикдә мәнбәјә истинад лазымдыр