Әһли Бејт -АБНА- хәбәр аҝентлијинин вердији хәбәрә әсасән Губа һадисәләри диҝәр рајон иҹра башчыларын күркүнә әмәлли-башлы бирә салыб. Башчылар сәләфләри Рауф Һәбибовун башына ҝәләнләрдән горхуја дүшәрәк, баш верәнләри габагламаг үчүн бир сыра тәдбирләр һәјата кечирирләр.
Мартын 1-нә, јәни Губа һадисәсинә гәдәр сакинләри иҹра апаратынын кандарына јахынлашмаға гојмајан рајон рәһбәрләри әмәлли-башлы "инсафа" ҝәлибләр вә сакинләри адам јеринә гојмаға башлајыблар.
Онлара инди мәлум олур ки, елин ҝүҹү, селин ҝүҹүдүр. Демәли, инсанлары сајмаг, онлара һөрмәт еләмәк лазымдыр...
Белә рәһбәрләрдән бири дә Ҝәнҹә шәһәр Иҹра Һакимијјәти башчысы Елмар Вәлијевдир. О да губа һадисәләрдән бөјүк дәрс алыб вә вәтәндашларын проблемләри илә марагланмаға башлајыб. Белә ки, бу ҝүн о, шәһәр сакинләрини гәбул едәрәк, онларын проблемләри илә марагланмаға башлајыб.
Ҝәнҹәдән әлдә етдијимиз сон мәлумата ҝөрә, башчы илә ҝөрүшән вәтәндашлар тәрәфиндән дилә ҝәтирилән проблемләр мүхтәлиф олуб. Онларын әксәријјәти евләрин сәнәдләшмәси, објектләрин сөкүлмәси нәтиҹәсиндә јени торпаг саһәләринин ајрылмасы, ишсизлик вә коммунал проблемләр олуб.
Әлил вәтәндашлар да өз проблемләрини сәсләндирәрәк, мәнзил тәминаты, әлиллик дәрәҹәләринин верилмәси кими чәтинликләрдән данышыблар. Елмар Вәлијев бәзи вәтәндашларын објектләринин учурулмасыны шәһәрдә апарылан абадлыг ишләри илә әлагәләндирәрәк, бу проблемин тезликлә һәллини тапаҹағыны, вәтәндашлара башга әразиләрдән торпаг вериләҹәјини билдириб.
Иҹра башчысы һәмчинин диҝәр галдырылан мәсәләләрлә дә бағлы мүнасибәтини билдирәрәк онларын һәлли истигамәтиндә тәдбирләр ҝөрүлмәси үчүн мүвафиг гурумлара тапшырыгларыны вериб. Һәмчинин ишсизлијин арадан галдырылмасы үчүн Мәшғуллуг Идарәсинә вакант јерләр барәдә мәтбуатда мәлумат верилмәси тапшырылыб.
Бу ҝүн башга бир мәнбәдән әлдә етдијим сон мәлумата ҝөрә, Елмар Вәлијевин бу ҝүн ҹамааты гәбул едиб, онларын шикајәтләрини динләмәсинин башга бир сәбәби дә вар. Белә ки, бу ҝүнләрдә Бакыја Президент Администрасијасына чағрылан башчынын үзү бурада о ки, вар данланыб. Она хәбәрдар едилиб ки, әҝәр шәһәрдә проблемләри јолуна гојмаса, јахын вахтларда вәзифәсини итирәҹәк. Үстәлик она ҹинајәт иши дә ачыла биләр.
Һәмин мәнбәнин вердији мәлумата ҝөрә, Губа һадисәсиндән руһланан Ҝәнҹә сакинләри мүәјјән гүввәләрин јахын дәстәји илә һәр ан ајаға галхыб, иҹра апаратына һүҹум едә биләрләр. Хүсусилә дә Елмар Вәлијевин шәһәрә башчы тәјин едилдикдән сонра һәјата кечирдији "ислаһатларын" гурбаны олан бир чох орта вә кичик саһибкарлар она гаршы һәр ән ајаға галха вә иҹра апаратына һүҹум едә биләр.
Бундан да хәбәр тутан Президент Илһам Әлијев Администрасија рәһбәрлијинә ҝөстәриш вериб ки, ону бура чағырыб, әмәлли-башлы гулагбурмасы версинләр.
Һәмин мәнбәнин дедијинә ҝөрә, Елмар Вәлијев Бакыдан гајытдыгдан сонра артыг әввәлки кими һеғомонлуг едә биулмир. Күркүнә бирә дүшән башчы артыг чалышыр ки, вәтәндашларла еһтијатлы давраныр. Һәтта инҹитдији вә објектләрини дағытдырдығы мүәјјән шәхсләри јенидән гәбул едәрәк, онларын шикајәтләрини динләјиб. Онлара сөз вериб ки, јахын вахтларда мүәјјән проблемләрини һәлл едәҹәк.
Рөвшән ЗИЈА
Диггәт: Хәбәрдән истифадә етдикдә мәнбәјә истинад лазымдыр
