Әһли Бејт -АБНА- хәбәр аҝентлији- Кечән илин нојабрында Губа рајон иҹра башчысы Рауф Һәбибовун Губа сакинләрини тәһгир етмәси бу илин мартын 1-дә “бомба” кими партлады. Һәм дә елә партлады ки, башланан етираз аксијасы елә һәмин ҝүн иҹра башчысынын вәзифәдән ҝетмәсилә тамамланды.
Бу тәкҹә бир иҹра башчысына гаршы дејилди
Губада баш верәнләр заһирән бир иҹра башчысынын тәһгирамиз давранышындан јаранды. Амма иҹра башчысы рајону тәкбашына идарә етмирди. Р.Һәбибов башчы күрсүсүндә өзбашына әјләшмәмишди. Бу шәхси бура тәјин етмишдиләр. Бу шәхсин архасында дуранлар вар иди. Бүтөв идарәетмә апаратына малик иди. Әҝәр идарәетмәдә биринҹи шәхс өзүнү халг өнүндә аға кими апармаг истәјибсә, өзүнү феодал саныбса, бу тәкҹә онун сијасы әхалг гүсуру дејил, һәм дә идарәетмәнин гүсурудур. Одур ки, бу сырадан бир һадисә кими гавраныла билмәз.
Дөвләт гуллуғунда ишә дүзәлмәк үчүн имтаһанларын нәтиҹәсиндән сонра бир сөһбәт олур. Шәхсин дөвләт гуллуғуна гәбулы едилмәси вердији имтаһанларын нәтиҹәсиндән чох һәмин сөһбәтдән асылы олур. Ҝөрәсән, иҹра башчылары тәјин едиләркән белә бир тестдән кечирләр ја јох? Чүнки, һәмин тестдән кечсәјдиләр, беләләри биринҹи шәхс вәзифәсинә ҝәлиб чыха билмәздиләр. Диҝәр тәрәфдән әҝәр шәффаф тест кечирилсә, ҝөрәсән иҹра һакимијјәти системиндә оланлаәрн нечә фаизи јериндә олдуғуну доғрулда биләрди? Јәгин ки, чох азы. Буну онә ҝөрә архајын дејирик ки, истәнилән рајонда “Губа минасы” вар. Бу мәнада бу тәкҹә бир иҹра башчысына гаршы јөнәлмәјиб, бу һәм дә нечә-нечә “һәбибовлар”а тушланан һадисәдир.
Халгдан бөјүк аға јохдур
Фикримизҹә, баш верәнләр һәм дә иҹра башчыларынын өзүнү аға сајмасына халгын “халгдан бөјүк аға јохдур” ҹавабыдыр. Иҹра башчысы олараг варын, сәрвәтин, евләрин, һектарларла әкин саһәләрин, пулун ола биләр. Амма халг үзәриндә сөз саһиби ола билмәзсән. Губа әһалиси бу етиразы илә бу һәгигәти ортаја гојду. Һәм дә халгын үзәриндә аға олмаг истәјәнләрә “ҝөрдүн, сән нәинки аға дејилсән, һеч нәсән” ҝерчәјини нүмајиш етдирди. Инди, иҹра башчылары папагларыны гаршыалрына гојуб јахшы-јахшы дүшүнмәлидирләр. “Ја халга хидмәтчи олаҹагсан, ја да ағалыг етмәк истәсән, халг адлы аға сәни јерини ҝөсәтәрәҹәк” бөјүклүјү илә үз-үзә галаҹагсан.
Бар вермәји баҹармајанлар
Аталар дејир ки, ағаҹ бар вердыкҹә, башыны ашағы салыр. Јәни, бир ағаҹын инсан хидмәти вердији барыдыр. Бу бары инсана миннәт гојараг вермир, әксинә “јахшы ки, бу бардан истифадә едирсән” тәвазөсү илә едир. Бу тәбиәт һәгигәтиндән кәнар дүшәнләр “инсан каиунатын әшрәфидир” һәгигәтиндән узаг дүшүбләр. Елә буна ҝөрә дә сон 20 илдә халгын јаддашында бир рајон рәһбәри белә мүсбәт шәкилдә галмајыб. Демәли, “аға” олмаг истәјән “ағалығы” дөврүндә о гәдәр нифрәт газаныб ки, јаддашларда белә һәмин нифрәтлә галырлар. Сәлаһијјәт саһибләри “хејирхаһлыг” адлы бардан кәнар дүшүбләр. Инсанларын гәлбиндә абидә ола биләҹәкләри һалда буну баҹармајыблар. Беләләри “бәдхаһлыг” барсызлығыны үстүн тутараг шәхси фаҹиәләрини јашајыблар. Һәм дә бу фаҹиәни халга јашадыблар.
“Бизә һәр шеј, сизә һеч нә” тамаһкарлығы
Губада инсанларын дад етдији сосиал проблемләрин биринҹиси ишсизлик олуб. Јери ҝәлмишкән, бу ткҹә Губада белә дејил, бүтүн өлкә үчүн характерикдир. Өлкәдә исә гәрибә аб-һава јарадыблар. Ким һарада рәһбәрсә ора өз јахынларыны, јерлиләрини јығыр. Рајон иҹра башчылары илк нөвбәдә јерли иш адамларына гәним кәсилирләр. Һәр ҝәлән иҹра башчысы өз бизнес структурларыны јарадыр, јерли иш адамларынын варыны әлиндән алыр. Белә давраныш истиснасыз олараг бүтүн рајонларда тәкрар едилир. Бу “бизә һәр шеј, сизә һеч нә тамаһкарлығы” фаҹиәләрин мәнбәјинә дөнүр.
Ашағы-јухары иҹра башчысынын Губада 20-јә јахын објекти фәлаијјәт ҝөстәрир. Гануна әсасән бизнеслә мәшғул олмаға һүгуглары чатмадығы һалда иҹра башчылары бизнес гурумларыны јахын гоһум-әгрәбаларынын адларына рәсмиләшдирирләр. Ел ичиндә дејилдији кими, бу халг кор дејил ахы. Јәни, нәјин нә олдуғуну билмир?
Һәм дә һәр бир сәлаһијјәт саһиби әввәл-ахыр сәаһијјәтини итирәҹәјини билдији үчүн баҹардыҹга даһа чох вар-дөвләт гамарламаг һәрислијинә гапаныр.
Вар-дөвләт имтаһан олмајанда
Вар-дөвләт имтаһан јох, шөһрәт мәнбәјинә дөнәндә “рауф һәбибовлар” ортаја чыхыр. Өзүнү һәггин һансыса имтаһан наминә вердији сәрвәти мүвәггәти сахлајан шәхс кими дејил, онун саһиби кими сананда шөһрәтпәрәстлик азары башлајыр.
Варлы олмағы һәм дә адекват олараг “бөјүк шәхсијјәт” олмаг дәјәри кими гаврајан Азәрбајҹан сијаси елитасы елә халга шәхсијјәт бөкүлүјү призмасындан јох, сәрвәти чох олан адам призамсындан јанашыр. Сәрвәти һәм дә өзләеиу үчүн “тохунулмазлыг иммунитети” кими гаврајыр. Бу гаврама өз нөвбәсиндә “ким мәнә нә едә биләр ки?” абсурдуна ҝәтириб чыхарыр.
Һәбсләр нәји дәјишәр ки?
Инди рәсми Бакы ҹира башчысынын евини-мүлкүнү јандыранлары һәбсә алмаға чалышыр. Ганун позулубса вә гануну позан варса ҹаваб версин. Амма нечә илләр боју әмәлләрилә нечә-нечә евләри јыхан, нечә-нечә һәјатлары зәһәрә дөндәрән, нечә-нечә инсанлары јаланлары илә доландыран иҹра башчысы нә заман ҹаваб верәҹәк?
“Инсанлар јандырдылар!” ҝерчәјиндән өнҹә “нијә јандырдылар?” сәбәбини арашдырмаг лазымдыр. Нә олду ки, бу инсанлар бу әмәлә әл атдылар?
Фикримизҹә, бу һәбсләрдән өнҹә буну арашдырсаг даһа јахшы олар. Һәбсләр ҹәза верә биләр, амма проблеми арадан галдыра билмәз. Проблем ҹәзада дејил, проблем сәлаһијјәтли шәхсин өзүнү дәрк етмәмәсиндәдәир. Бах. буну арадан галдырмаг ваҹибдир!
Ән ҝөзәли нә?
Ән ҝөзәли халга хидмәт. Ән ҝөзәли “мәним хидмәт етдијм јердә бир нәфәрин белә һаггы тапданыбса рәһбәр олараг әдаләтли олмағым шүбһә алтына дүшүб” һәгигәтини һеч заман арха плана кечирмәмәкдир.
Амма кечмиш ола. Ән ҝөзәли “ән бөјүк һәгигәт халг өзү”, “ән бөјүк адил һаким халг өзү”, “ән бөјүк аға халг өзүдүр” һәгигәтидир. Һәм дә сәлаһијәт саһибләринин бу һәгигәти дәрк етмә заманыдыр. Ајдын олдуму?
Тофиг ТүркЕЛ
Диггәт: Хәбәрдән истифадә етдикдә мәнбәјә истинад лазымдыр
