Әһли Бејт -АБНА- хәбәр аҝентлијинин вердији хәбәрә әсасән “Милли-Мәнәви Дәјәрләр” Иҹтимаи Бирлијинин сәдри, әлијевләр режими тәрәфиндән зорла тутулараг Ҹинајәт Мәҹәлләсинин 234.1-ҹи маддәси (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) илә ШӘРЛӘНӘН Меһди Мәммәдов һәбсинин сәбәбини иҹтимаи фәаллығы илә әлагәләндирир. О, мартын 3-дә вәкили Заман Сәмәдовла ҝөрүшүндә белә дејиб, иҹтимаи фәал олдуғуна ҝөрә индијә гәдәр ики дәфә инзибати һәбс ҹәзасы алдығыны вурғулајыб.
Вәкил Заман Сәмәдовун дејиб ки, Меһди Мәммәдов тәгсирләндирилән шәхс гисминдә һеч бир ифадә вермәјиб: “Һазырда һеч бир истинтаг һәрәкәти апарылмыр. Меһди бәјдән јалныз сахланыларкән илкин ифадә алыблар. Һазырда үзәриндән тапылдығы еһтимал олунан наркотик маддәнин тәркиби илә бағлы рәјин тәгдим олунмасы ҝөзләнир. Ејни заманда нарколожи анализ үчүн онун ганындан нүмунә ҝөтүрүлмәлидир. Лакин бу проседурлар һәлә һәјата кечирилмәјиб”.
Меһди Мәммәдов мөвҹуд режимин ҝүҹ структурлары тәрәфиндән февралын 18-дә тутулуб. Барәсиндә 2 ајлыг һәбс гәтимкан тәдбири сечилиб. Бакы Истинтаг Тәҹридханасында сахланылыр. Онун сахландығы јер вә сәһһәти илә бағлы һеч бир шикајәти јохдур.
Диггәт: Хәбәрдән истифадә етдикдә мәнбәјә истинад лазымдыр
