Әһли Бејт -АБНА- хәбәр аҝентлијинин вердији хәбәрә әсасән Лукашенко Алманијанын хариҹи ишләр назири Гидо Вестервилли нәзәрдә тутараг "Һомосексуал олмагданса диктатор олмаг даһа јахшыдыр" дејиб.
Лукашенко АБ-нин кечән һәфтә 200 Беларус рәсмисинә сәјаһәт гадағасы гојмасыны сәрт шәкилдә тәнгид едиб. Лукашенко бу гәрарын истерика олдуғуну сөјләјиб: "Ҝөрдүјүнүз кими, инкишаф етмиш гитәләрдә ики нөв сијасәтчи вар. Бунлардан бири Варшавада, диҝәри Берлиндә јашајыр. Икинҹијә ҝәлинҹә... Лесбијанлар вә һомосексуаллар "бурада диктатор вар" дејә һајгырмаға башладығы вә мән дә буну ешитдијим заман һомосексуал олмагданса диктатор олмағын даһа јахшы олдуғуну дүшүнүрәм".
Авропа Парламентинин Беларусун 2014-ҹү илдәки Буз Хоккеји үзрә Дүнја Чемпионатына ев саһиблији етмәсинә гаршы чыхмасы да Лукашенкону гәзәбләндириб. Авропа Парламенти Минскин сијаси мәһбусларла бағлы гәрары вә халга тәзјигләри сәбәбилә бу чемпионаты кечирмәк истәјини јенидән ҝөздән кечирмәсини истәјиб. Лукашенко исә буна сәрт сөзләрлә реаксија вериб: "Бу ҹүр дискуссијалар планетимиздәки чоху америкалы вә ја авропалы олан бүрократларын диксиндириҹи тәрәфидир. Беларуслулар Хоккеј үзрә Дүнја Чемпионатына ев саһиблији етмәјә лајигдир. Буна чох ҹидди јанашырыг".
Диггәт: Хәбәрдән истифадә етдикдә мәнбәјә истинад лазымдыр
