Әһли Бејт -АБНА- хәбәр аҝентлијинин вердији хәбәрә әсасән Репортјорларын Азадлыг вә Тәһлүкәсизлик Институту (РАТИ) мартын 1-дә Губада баш верән халг үсјаны заманы әлијевләр режиминин журналистләрә гаршы төрәтдикләри физики тәзјигә ҝөрә нараһатлығыны билдириб вә буну һәјата кечирәнләри гынајыб.
Гурумун бәјанатында дејилир:
“Јаранан гаршыдурма заманы “Објектив ТВ”нин журналист-оператору Рәшад Вагифоғлу башындан јараланыб. РАТИ-нин әмәкдашы Идрак Аббасов голундан хәсарәт алыб. “Азадлиг” радиосунун әмәкдашлары Ҹаваншир Ағамалыјев, Аббас Атилај, “Туран” информасија аҝентлијинин мүхбирләри Тапдыг Фәрһадоғлу, Фәрид Гәһрәманов вә “Јени Мүсават” гәзетинин репортјору Фәраһим Илгароғлу ҝөзјашардыҹы газдан зәһәрләнмәјә мәруз галыблар.
Журналистләрин физики тәзјигә мәруз галмасы онларын пешә борҹуну јеринә јетирмәсинин гаршысынын алынмасына ҹәһддир. РАТИ һакимијјәтдән журналистләрин тәһлүкәсизлијинә тәминат верилмәсини вә бу кими һалларын бир даһа тәкрарланмамасы үчүн ҹидди тәдбирләр ҝөрүлмәсини тәләб едир”.
Диггәт: Хәбәрдән истифадә етдикдә мәнбәјә истинад лазымдыр
