Әһли Бејт -АБНА- хәбәр аҝентлијинин вердији хәбәрә әсасән әлијевләр мај ајында бәрпа етмәк истәдикләри бәднам “евровижин” 2012 үздәнираглар фестифалндан өтрү әлләриндән ҝәләни әсирҝәмирләр. Белә ки, Халгын ев вә дахмалары виран едилир, башларына учурдулур. Бакы бу ҝүн јенә белә бир рәзаләтин шаһиди олду. Сәбајел рајонундакы Бајраг Мејданы һәндәвәриндә јашајан һәрбчи Емил Әзизовун евиндә олдугҹа ҝәрҝин бир вәзијјәт јараныб. Иҹра һакимијјәтинин нүмајәндәләри сөкүнтү ишләри апаран фәһләләрлә бирликдә онун евинә ҝәләрәк, еви сөкмәјә башлајыблар вә бу заман ев јијәси илә онларын арасында мүбаһисә јараныб.
Һадисә јериндә олан әмәкдашымызын билдирдикләринә ҝөрә, еви сөкмәјә ҝәләнләр ичәридә көрпә ушагларын олмасына да мәһәл гојмајыблар. Онлар ушаглар вә евин әшјалары ичәридә гала-гала еви сөкмәк истәјибләр. Јаранмыш вәзијјәт ушагларда дәһшәтли горху јарадыб.
Сакинләр арасында вәзијјәти писләшән олдуғундан әразијә тәҹили јардым машыны ҝәлиб.
Сәбајел РПИ-нин рәис мүавини Камаил Вәлишовун башчылыг етдији полисләр евә дахил олублар, ев саһибинин гоҹа атасыны дөјүбләр, гадынлар, ушаглар ағлашыб.
Хатырладаг ки, евинин мүгабилиндә Е.Әзизова 10 мин манат пул тәклиф едирләр. О исә бу пула шәһәрин һеч бир јериндә ев алмағын мүмкүн олмадығыны билидирир, ја тәзминатын јетәрли өдәнмәсини, ја да евинә тохунулмамасыны тәләб едир.
Диггәт: Хәбәрдән истифадә етдикдә мәнбәјә истинад лазымдыр
