Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назирлијинин сөзчүсү сионист Исраил режиминин тәхрибатчы-террорчу Моссад тәшкилатынын Азәрбајҹан Республикасындакы фитнәләри һагда хәбәрдарлыг едиб.
Һөкумәт рәсмиси дејиб: Реҝион өлкәләри сионист Исраил режиминин реҝиондакы тәләләри вә фитнәләри гаршысында еһтијатлы давранмалы вә сионист режим ҹасусларынын ҝедиш-ҝәлишини диггәтлә нәзарәт алтында сахламалыдырлар.
Рамин Меһманпәрәст бу ҝүн чәршәнбә ахшамы Теһранда јерли вә хариҹи журналистләрин иштиракы илә кечирилән мәтбуат конфрансында сионист режим башчыларынын Иранын ҝәнҹ вә истедадлы алим вә кадрларынын террор едилмәси мәсәләсинә тәкид етмәләринә ишарә едәрәк, билдириб: Реҝион өлкәләри сионист амилләрин өз өлкәләриндә фәалијјәт ҝөстәрмәләринин гаршысыны алмалыдырлар.
Р.Меһманпәрәст лазым олан мәсәләләрин Азәрбајҹан Республикасы һөкумәтинин диггәтинә чатдырылдығыны дејәрәк, вурғулајыб: Әлбәттә, Азәрбајҹан Республикасы рәсмиләри сионист амилләрин бу өлкәдәки фәалијјәтини рәдд едәрәк, белә бир фәалијјәтин олмадығыны иддиа едирләр.
Иранын ХИН сөзчүсү һәмчинин, дејиб: Биз реҝион өлкәләринин гаршылыглы формада мәсулијјәт һисси кечирмәләрини истәјирик. Реҝион һәссас бир шәраитә маликдир вә һамы ајыг олмалыдыр ки, сионист режимин фитнә торуна дүшмәсинләр.
Диггәт: Хәбәрдән истифадә етдикдә мәнбәјә истинад лазымдыр
