Әһли Бејт -АБНА- хәбәр аҝентлијинин вердији хәбәрә әсасән Февралын 15-дә Бакы Апеллјасија Мәһкәмәсиндә “Һиҹаба азадлыг” аксијасына ҝөрә мәһкум олунмуш Мәммәд Әсҝәров вә Заур Исҝәндәровун шикајәтинә бахыш кечирилиб.
Мәммәд Әсҝәровун вәкили Анар Гасымлынын вердији ачыгламаја ҝөрә, мүдафиәчиләр просесдә вәсатәтләр галдырыблар: “Галдырдығымыз мәсәләләрдән әсасы о иди ки, неҹә ола биләр аксијанын тәшкилатчысы кими тәгсирләндирилән шәхсләрә бир ил, ил јарым иш кәсилир, амма аксија иштиракчыларына үч ил? Һәрчәнд биз тәшкилатчы кими тәгсирләндирилән адамлар һаггында чыхарылан һөкмләрлә дә разы дејилик”.
әлијевләр режимин иттиһамчысы чыхыш үчүн һаким Вагиф Мурсагуловдан вахт истәдијиндән просеси февралын 20-дә давам етдирмәк гәрара алыныб.
2011-ҹи ил декабрын 5-дә Нәриманов Рајон Мәһкәмәси Мәммәд Әсҝәров вә Заур Исҝәндәрову 3 ил мүддәтинә азадлыгдан мәһрум едиб. Онлар Ҹинајәт Мәҹәлләсинин 221.3-ҹү маддәси илә (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) тәгсирли билинибләр.
“Һиҹаба азадлыг” динҹ аксијасы өтән ил мајын 6-да Тәһсил Назирлијинин гаршысында кечирилиб. Аксијаја ҝөрә 15 нәфәр мәһкум олунуб.
Диггәт: Хәбәрдән истифадә етдикдә мәнбәјә истинад лазымдыр
