Әһли Бејт -АБНА- хәбәр аҝентлијинин вердији хәбәрә әсасән Сумгајыт Шәһәр Мәһкәмәсинин 1 ил 6 ај мүддәтинә азадлыгдан мәһрум етдији Азәрбајҹан Ислам Партијасынын сәдр мүавини Ариф Гәнијев Милли Тәһлүкәсизлик Назирлијинин тәҹридханасындан Бакы Истинтаг Тәҹридханасына көчүрүлүб.
Вәкил Анар Гасымлынын вердији мәлумата ҝөрә, көчүрүлмә февралын 10-да ҝерчәкләшдирилиб: “Ганунла Ариф Гәнијев әслиндә јанварын 26-да, она һөкм охунандан сонра бирбаша Бакы Истинтаг Тәҹридханасына апарылмалы иди. Амма мәнә мәлум олмајан сәбәбләрдән о, јенидән МТН-ә ҝәтирилмишди”.
Вәкил Ариф Гәнијевин Бакы Истинтаг Тәҹридханасындан һансыса ҹәзачәкмә мүәссисәсинә көчүрүләҹәјини дејиб.
Ариф Гәнијев әлијевләр режими тәрәфиндән Азәрбајҹанын Ҹинајәт Мәҹәлләсинин 228.1 (ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) вә 234.1-ҹи (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәләри илә ШӘРЛӘНИЛӘРӘК иттиһам олунуб.
Диггәт: Хәбәрдән истифадә етдикдә мәнбәјә истинад лазымдыр
