Әһли Бејт -АБНА- хәбәр аҝентлији- Гәтлә јетирилмиш мүртәдд јазычы рафиг тағынын аиләсинин вәкили Елчин Садыгов “Медиа форум” сајтынын суалларыны ҹавабландырыб.
- рафиг тағынын гәтлинин үстүнүн ачылмасы үчүн апарылан истинтаг һәлә ки, һеч бир нәтиҹә ортаја гојмајыб. Аиләси вә онларын һүгугларыны мүдафиә едән вәкил кими сиз бу дурумда һансы аддымлары атмағы планлашдырырсыныз?
- Јенә дә истинтагын ҝедиши барәдә бизә һәр һансы мәлумат вермирләр. Она ҝөрә дә рафиг тағынын аиләси илһам әлијевә мүраҹиәт едәҹәк. Артыг мүраҹиәт һазырдыр вә јахын заманларда ҝөндәриләҹәк. Мүраҹиәтдә истинтагын ҝедишиндән, истинтагы апаран органын фәалијјәтиндән наразылыг ифадә олунур. Чүнки истинтагын арашдырмадығы һалларла бағлы рәј вермәси ганунсуздур. Бу хүсусән дә рафиг тағынын гәтлиндә һәкимләрин мәсулијјәтинин олмамасы һагда верилән рәјә аиддир. Арашдырмадығы, лазыми експертизалар кечирмәдији һаллар һаггында рәј вермәси истинтагын гәрәзли апарылдығы гәнаәтинә әсас јарадыр. Истинтаг ишә гәрәзлә јанашыр. Аиләси рафиг тағынын гәтлинин објектив арашдырылмасы үчүн президент илһам әлијевдән көмәк истәјир, бунун үчүн дөвләт башчысындан истинтаг органына ҝөстәриш вермәсини хаһиш едир.
Бундан башга, биз артыг дахили мүдафиә васитәләрини түкәндирмишик вә Авропа Инсан Һүгуглары Мәһкәмәсинә шикајәт һазырлајырыг. Һесаб едирик ки, һәмин шикајәтин нәтиҹәси чох уғурлу олаҹаг вә Азәрбајҹан һөкумәтинин гәтли арашдырмаг өһдәлијини јеринә јетирмәдији тәсдигини тапаҹаг.
- Өтән мүсаһибәниздә демишдиниз ки, истинтаг рафиг тағынын гәтлини арашдырмаг үчүн һәгигәтә јахын фәрзијјә ҝөтүрмүр. Истинтаг буну нијә етмир?
- Әҝәр вахтында исти изләрлә арашдырма апарылсајды, онда ҹинајәткары тапмаг мүмкүн оларды. Үмумијјәтлә, истинтаг рафиг тағынын гәтлини ади бир криминал һадисә кими гијмәтләндирир вә өз фәалијјәтини дә белә гуруб. Амма һамы билир ки, рафиг тағынын өлдүрүлмәси онун јазычылыг, журналистлик фәалијјәти илә бағлыдыр. Прокурорлуг рафиг рағынын гәтлинә ади криминал һадисә кими јанашдығына ҝөрә апарылан истинтаг, арашдырма һеч бир нәтиҹә вермир. Һесаб едирик ки, прокурорлуғун белә мөвге тутмасы истинтаг групунун рафиг тағынын гәтлини арашдырмаг нијјәтинин олмадығыны ҝөстәрир. Она ҝөрә дә илк нөвбәдә прокурорлуг мөвгејини дәјишмәлидир.
рафиг тағынын гәтлинин истинтагыны мүстәнтиг Надир Мирзәјев апарыр. Биз она етираз етмишдик. Надир Мирзәјев 2003-ҹү илдә полис тәрәфиндән вурулараг ҝөзү кор едилмиш Маһирә Мурадованын истинтагыны апарыб. Авропа Инсан Һүгуглары Мәһкәмәсиндә Маһирә Мурадованын ҝөзүнүн полис дәјәнәјинин зәрбәси нәтиҹәсиндә чыхарылмасы өз тәсдигини тапса да, Надир Мирзәјев буну арашдырмајыб. Һесаб едирик ки, рафиг тағынын гәтлә јетирилмәси ҹинајәтинин Надир Мирзәјевә тапшырылмасы бу гәтлин өрт-басдыр едилмәсинә һесабланмыш бир аддым ола биләр. Амма истинтаг органы бизим етиразымызы тәмин етмәди.
- рафиг тағынын гәтлинин үстүнүн ачылмамасы јалныз истинтагын үзләшдији чәтинликләрлә бағлыдыр, јохса бунун үчүн сијаси ирадә лазымдыр?
- Бурада һәр ики һал мөвҹуд ола биләр. Тәбии ки, ҹинајәтин үстүнүн ачылмасы үчүн сијаси ирадә дә олмалыдыр. Амма илк нөвбәдә прокурорлуғун бу ишдә јол вердији нөгсанлар арадан галдырылмалы, ишә објектив јанашма олмалыдыр. Баш Прокурорлуг вә Дахили Ишләр Назирлији бирҝә бәјанат јајыб. Орада ҝөстәрилир ки, рафиг тағынын гәтлә јетирилдији әразидә 41 камера чәкилиши апарылыб вә һәмин чәкилишләрә бахыш кечирилиб. Гатилләрин 41 камерадан һеч биринә дүшмәмәси, бу гәдәр камеранын ҝеҹә-ҝүндүз чәкилиш апардығы әразидә төрәдилән ҹинајәтин үстүнүн ачылмамасы абсурддур. Һесаб едирәм ки, прокурорлуғун рафиг тағынын гәтлинин үстүнү ачмаг нијјәти јохдур. Нијјәт олса, бу ҹинајәтин үстүнү ачмаг мүмкүн олар. Амма инди белә бир нијјәт јохдур вә бунун сәбәби бизә ајдын дејил.
- Вәкил кими бу ишлә мәшғул олурсунуз, вәсатәтләр верирсиниз, мәһкәмә чәкишмәләриндә иштирак едирсиниз. Бүтүн бунлардан сонра нә гәнаәтә ҝәлмисиниз, рафиг тағынын гәтлини ким тәшкил едиб?
- Инди бу барәдә һәр һансы фикир сөјләмәк чәтиндир. Буну мүәјјән етмәк дөвләтин, онун истинтаг органынын вәзифәсидир. Һесаб едирик ки, бүтүн һалларда рафиг тағынын гәтлә јетирилмәси онун фәалијјәти илә бағлыдыр вә ади бир криминал һадисә дејил. рафиг тағынын гәтли хүсуси тәшкил олунуб. Чүнки рафиг тағыны хүсуси изләјибләр вә иш графикини өјрәнибләр. Иш графики илә әлагәдар олараг рафиг тағы гәтлә јетирилдији әразидән дөрд ҝүндән бир кечирмиш. Ону ән азы ики һәфтә изләјибләр. Бүтүн бунлар ону ҝөстәрир ки. рафиг тағынын гәтли хүсуси тәшкил олунуб.
Бу барәдә мәтбуатда мүхтәлиф фәрзијјәләр сәсләндирилиб. Һесаб едирәм ки, истинтаг сәсләндирилән бүтүн фәрзијјәләри арашдырмалыдыр. Амма ону дејә биләрәм ки, рафиг тағы Иран Ајәтуллаһларынын фитвасы әсасында өлдүрүлмәјиб. рафиг тағынын Ајәтуллаһларын фитвасына ҝөрә өлдүрүлмәси фәрзијјәси һәгигәтдән узагдыр. Чүнки рафиг тағы һәбсдән азад олундугдан сонра Исламчылар тәрәфиндән һәдәләнмәјиб, тәзјиглә үзләшмәјиб. Иш јериндә арашдырма апармышыг. Мәлум олду ки, иш јериндә онун һеч бир проблеми олмајыб. Бу, сифариш әсасында төрәдилән гәтлдир.
Диггәт: Хәбәрдән истифадә етдикдә мәнбәјә истинад лазымдыр
