Әһли Бејт -АБНА- хәбәр аҝентлијинин вердији хәбәрә әсасән “Wikileaks” сајты тәрәфиндән ачыгланан абш сәфири Енн Дерсинин телеграмларындан бири 2007-ҹи илдә һәбс олунмуш журналистләрин талејиндән бәһс едир. Сәфир бу мөвзуну ијулун 27-дә режим башчысы илә мүзакирә едиб.
Сәфир нөвбәти дәфә журналистләрин һәбси вә онлара гаршы зоракылыг фактларынын арашдырылмамасы илә бағлы бејнәлхалг бирлијин нараһатлығыны диггәтә чатдырыб. и.әлијев буна бирмәналы ҹаваб верәрәк “бејнәлхалг тәзјигләрин гаршысында әјилмәдијинә” ишарә едиб. Ејни заманда о, ачыг шәкилдә гејд едиб ки, әҝәр журналистләр ондан әфв олунмаларыны хаһиш етсәләр, о, өз “сәхавәтини” ҝөстәрәр.
Сонра әлијев гејд едиб ки, журналистләри һәбсханада сахламаг өлкәнин имиҹи үчүн писдир вә онлары азад етмәк истәрди. “Мәсәлә буну һансы шәраитдә етмәкдир”, - дејә Дерси әлијевдән ситат ҝәтирир. президент билдириб ки, мәтбуата һүҹумлар гаршыдакы 2008-ҹи ил президент сечкиләри илә әлагәдар дејил. “Нә мүхалифәт, нә дә тәрәфдарларым арасында мәним рәгибим вар. Одур ки, мән сечкидә проблемсиз галиб ҝәләҹәм. Белә олан һалда нәјә ҝөрә мәтбуата тәзјиг ҝөстәрмәлијәм”,- о вурғулајыб.
О һәмчинин дејиб ки, журналистләри бармаглыглар арасында ҝөрмәк истәмәзди, “лакин онлара гаршы иддиа галдыранлар ганун чәрчивәсиндә һәрәкәт едибләр вә мән онлары дајандырмадым”, - дејә о, гејд едиб. Режим башчысы вурғулајыб ки, һәбсдә олан једди журналист АБШ, АТӘТ вә Авропа Шурасындан дәстәк истәјир, лакин президентдән әфв олунмаларыны хаһиш етмирләр.
“Бура Азәрбајҹандыр, Авропа дејил. Онлар мәндән хаһиш етмәлидирләр”,- о гејд едиб. Сәфирин, “белә олан һалда мәһкумлар өз ҝүнаһларыны етираф етмиш олаҹаглар” ирадына әлијев ҹаваб вериб ки, “журналистләр ја өз ҝүнаһларыны етираф етмәлидир, ја да һәбсханада отурмалыдыр”.
Вәзијјәтдән чыхмагла бағлы сәфирин тәкидли тәклифләри илә бағлы әлијев дејиб: “Јахшы, ҝәлин буну һәлл едәк. Мән истәјирәм ки, онлар чыхсынлар. Лакин мәсәлә бундадыр ки, нәјин баһасына”. Сонра Әлијев Гәрби икили стандартларда вә өзүнә гаршы гејри-објектив мүнасибәтдә иттиһам едиб.
“Мән өз адымы мәтбуатын 10 дүшмәни (јыртыҹылары) сијаһысында ҝөрүрәм. Ҝүрҹүстанда мүхалифәт јохдур. Телеканаллар олигархлар тәрәфиндән алыныб. Мүхалифәт лидерләри һәбсханададыр. Анҹаг онлары демократ һесаб едирләр.
Украјнада Јушшенко конститусијаны 60 дәфә позур, Авропа Шурасы, Авропа Ыттифагы вә АБШ сусур”, - дејә илһам әлијев вурғулајыб.
Дерси ҝөрүшүн јекунлары илә бағлы өз шәрһиндә јазыр ки, медиа азадлығы мәсәләси илһам әлијеви гыҹыгландырырды. О, бир нечә дәфә дејиб ки, нә едир етсин, Гәрб ону диктатор адландырыр. Белә тәәссүрат јараныр ки, о, һәбсдә олан журналистләрин проблеминин һәлли јолларыны ахтарыр. Лакин буну елә етмәк истәјир ки, өз симасыны горусун вә бу, бејнәлхалг иҹтимаијјәтин тәзјигләринин гаршысында ҝүзәштә ҝетмәк кими гәбул олунмасын
Диггәт: Хәбәрдән истифадә етдикдә мәнбәјә истинад лазымдыр
