Әһли Бејт -АБНА- хәбәр аҝентлији- Мәлум олдуғу кими нөвбәти бејнәлхалг Еуровисион-2012 фәсад мүсабигәси бу ил өлкәмиздә кечириләҹәк. Артыг бунунла бағлы өлкәдә кифајәт гәдәр ишләр ҝөрүләрәк мүсабигәнин кечирилмәси үчүн милјонларла вәсаит ајрылыб. Ејни һалда бу ил һәлл олунмамыш Гарабағ проблеминин 24-ҹү ил дөнүмүнү јола салаҹағыг. Нәзәрә алсаг ки, кечириләҹәк фәсад мүсабигәси сијаси бир просес кими дә гијмәтләндирилир, белә олан һалда, бу мүсабигәнин Гарабағ мүнагишәсинин һәллинә нә кими мүсбәт тәсир ҝөстәрә биләр? Мөвзу илә бағлы ФактХебер.ҹом-а ачыглама верән Гарабағ Азадлыг Тәшкилатынын сәдри Акиф Нағы, мараглы фикирләр сәсләндириб.
Кечириләҹәк мүсабигәнин Гарабағ мүнагишәсинә һәр һансы бир мүсбәт тәсир едәҹәјини дүшүнмәдијини гејд едән Акиф бәј, “үмумијјәтлә бу ҹүр мүсабигәләрин кечирилмәси Азәрбајҹанын танынмасына, өлкә илә бағлы әһәмијјәтли мәлуматларын чатдырылмасында мүәјјән тәсирләрә малик ола биләр”, - дејә билдирди: “Тәдбир заманы хариҹи гонагларла ҝөрүшүб онлара мүәјјән буклетләр вә брошүрләр пајламаг олар. Лакин һесаб едирәм ки, бу тәдбирлә бағлы мүнагишәнин һәллиндә һәр һансы бир ҹидди нәтиҹәјә үмид етмәк мәнасыздыр. Чүнки Авровизијада иштирак едәнләрин әксәријјәт шоу аләминин адамлары олаҹаг. Онлар үчүн өз өлкәләринин проблеми мараглы дејил, о ки, галды Азәрбајҹанын проблемләри олсун.”
Дүнјанын өзүнүн кифајәт гәдәр проблемләринин олдуғуну гејд едән тәшкилат сәдри, бүтүн Авропа вә Америка өлкәләринин бөһран ичәрисиндә олдуғуну билдирди: “Бу ҝүн Гәрб дөвләтләри вә АБШ билмир ки, борҹ лимитини неҹә тәнзимләсинләр. Һәр кәс өз проблемләри илә мәшғулдур. Биз дә өз проблемләримизи һәлл етмәлијик.”
Сонра Акиф бәј билдирди ки, Азәрбајҹан һакимијјәти Авровизијаја милјонларла хәрҹ чәкмәкдәнсә, диггәти даһа чох Гарабағ мәсәләсинә јөнәлтмәлидир вә һәмин милјонлара бир нечә дәнә танк, тәјјарә алмаг оларды.
“Авровизија мүсабигәсинин өлкәмиздә кечирилмәсинин ҝәнҹләринин вәтәнпәрвәрлик руһијјәсинә нә кими тәсир ҝөстәрәҹәк”, - суалына да ајдынлыг ҝәтирән Акиф Нағы, “инанмырам ки, һәр һансы бир мүсбәт тәсир ҝөстәрсин. Бу тәдбир Азәрбајҹанда јад дәјәрләрин тәблиғ олунмасына сәбәб олаҹаг”, - дејә әлавә етди: “Халгымызын өзүнүн көкү вар. Һазырда өлкәдә дәбдәдир ки, һәр кәс өз көкүндән вә дәјәрләриндән узаг дүшсүн. Инсанлары Авропанын јүнҝүл, өтәри, модернизм вә посмодернизм дәјәрләринә тәрәф јөнәлтмәк истәјирләр. Бунлар һамысы өтәри бир хәстәликләрдир.”
Акиф бәј һәр бир дөвләтин вә халгын өз вәтәнпәрвәрләринә еһтијаҹы олдуғуну гејд едәрәк, дөвләтин ишинин ирәли ҝетмәсиндә вә тарихинин јазылмасында вәтәнпәрвәрләрин фәалијјәти вә ролунун данылмаз олдуғуну билдирди. Лакин бәзи гурумларын хариҹдән малијјәләшәрәк Азәрбајҹана јад олан мәдәнијјәтләри өлкәмиздә тәблиғ етдикләрини сөјләди.
Хәјал Шүкүр
Диггәт: Хәбәрдән истифадә етдикдә мәнбәјә истинад лазымдыр
