Әһли Бејт -АБНА- хәбәр аҝентлијинин вердији хәбәрә әсасән Теһранын бу һәфтәки ҹүмә намазынын хәтиби дејиб: 22 бәһман ( 11 феврал) мөминләрин әзизлији вә исламын күфрә еҹазкар гәләбәсинин ҝүнүдүр.
Һөҹҹәтулислам вә Әл-Мүслимин Казим Сәдиги гејд едиб: Иран ислам ингилабынын гәләбәси әсрин мөҹизәсидир вә ИИР-нын Баниси Имам Хомејни (р.ә) халгын иштиракы вә јекдиллији илә бу ингилабы сәмәрәјә чатдырмышдыр.
Чыхышынын диҝәр һиссәсиндә халгы Иран ислам ингилабынын әсас саһиби сајан Һөҹҹәтулислам вә Әл-Мүслимин Казим Сәдиги әлавә едиб: 22 бәһман ( 11 феврал) ислами елм , фигһ , әдаләт вә елмин гәләбәси ҝүнүдүр , Иран халгыны империализм , истибдад вә истиланын ҹајнағындан хилас едиб.
Теһранын бу һәфтәки ҹүмә намазынын хәтиби һабелә бөјүк Иран халгынын 22 бәһман һәмрәјлик нүмајиши ҝүнүндә әзәмәтли иштиракыны санксијаларын мәғлубијјәти, шәһидләрлә әһд-пејман бағламаг , Ислам Ингилабынын Бөјүк Рәһбәринин ҝөстәришләри, еләҹә дә Иран халгынын гәләбә зирвәсинә чатмасы вә ингилабын 3-ҹү вә 4-ҹү нәслинин бағлылығынын ҝөстәриҹиси адландырыб вә дејиб: Бунлар Иран ислам ингилабынын анд ичмиш дүшмәнләринин мәјуслуғуна ҝәтириб чыхараҹаг.
Һөҹҹәтулислам вә Әл-Мүслимин Казим Сәдиги һабелә Ислам Шурасы Мәҹлисинин 9-ҹу сечкиләри дөврүндә Иран халгынын иштиракыны илаһи вә шәри вәзифә сајыб вә дејиб : Халгын әзәмәтли иштиракы ИИР гурулушунун горунмасы вә ислам ингилабынын ҹәрәјан етмәсинә сәбәб олаҹаг.
Теһранын бу һәфтәки ҹүмә намазынын хәтиби Гәрб дөвләтләринин ИИР-на гаршы санксијалары шиддәтләндирмәк вә һәрби һүҹумларла тәһдид етмәсинә ишарә едәрәк дејиб: Дүшмәнләрин Ираны санксија вә һәрби тәҹавүзлә тәһдид етмәләри тәзә бир мәсәлә дејил вә Иран халгы дүшмәнләрин тәһдидләринә табе олмадығыны сүбута јетириб.
Диггәт: Хәбәрдән истифадә етдикдә мәнбәјә истинад лазымдыр
