Әһли Бејт -АБНА- хәбәр аҝентлијинин вердији хәбәрә әсасән Артыг бир нечә мүддәтдир ки, “Инсан Һаглары Уғрунда” Иҹтимаи Бирлијинин рәһбәри, һүгуг мүдафиәчиси Ејнулла Фәтуллајев ҹәзачәкмә мүәссисәләриндә мониторингләр апарараг, сијаси вә виҹдан мәһбуслары илә ҝөрүшләр кечирир. Мәлум олдуғу кими, өтән ил өлкәнин сијаси-иҹтимаи һәјатында јадда галан һадисәләрдән бири дә исламчыларын һәбси олду. Ејнулла бәј исламчыларла нәзәрдә тутдуғу ҝөрүш вә ејни һалда онларын һүгугларын мүдафиәси истигамәтиндә ҝөрүлән ишләрлә бағлы ФактХебер.ҹом-ун суалларыны ҹавабландырыб.
- Ејнулла бәј, бир мүддәтдир ки, һәбсдә олан сијаси вә виҹдан мәһбуслары илә ҝөрүшләр кечирирсиниз. Һазырда һәбсдә олан исламчыларла да ҝөрүш планлашдырырсынзымы?
- Мүтләгдир ки, белә бир ҝөрүш олаҹаг. Мән исламчыларла, сијаси мөвгејинә вә ејни һалда ифадә азадлығына ҝөрә мәһбуслуг һәјаты јашајан шәхсләр арасында һәр һансы бир фәрг гојмурам. Садәҹә валидејнләриндән, ејни заманда онларын мүдафиә комитәсиндән алдығым шикајәтләр әсасында ҹәзачәкмә мүәссисәләриндә һәјата кечирдијим мониторингә ујғун график һазырламышам вә бу графики приоритет шәкилдә тәсдиг едирәм. Тәхминән 10 ҝүн бундан өнҹә АИП лидери Мөвсүм Сәмәдовун гајны Фирдовси Мәммәдрзајевин аилә үзвләри илә мәһбусун әтрафында олан ситуасијалары мүзакирә етдик. Ејни заманда Авропа Шурасы Инсан Һаглары вә Һүгуг мәсәләләри үзрә комитәсинин рәһбәрлији вә ејни һалда ҹәнаб Штрассерлә исламчыларын мәсәләләри илә бағлы ҹидди мүзакирәләр апармышыг. Бу мәсәләдә мөвгејимизи бирмәналыдыр ки, исламчылар сијаси мотивлә һәбс олунублар. Истәр Мөвсүм Сәмәдовун иши олсун, истәрсә дә һиҹаб аксијасында һәбс олунана инанҹлы шәхсләр. 14 сајлы ҹәзачәкмә мүәссисәсиндә оланда, һиҹаб аксијасына вә ејни һалда Ҝәнҹәдә дини маарифләндирмә саһәсиндә фәалијјәтинә ҝөрә һәбс олунмуш исламчыларла ҝөрүшдүм. Исламчыларла гаршы һеч бир ајры-сечкилик нүмајиш етдирмирик. Садәҹә олараг, исламчылар һәлә ки, ҹәзачәкмә мүәссисәләринә ҝөндәрилмәдијинә ҝөрә, онларла ҝөрүш имканлары мәһдуддур. Күрдәханы истинтаг тәҹридханасында сахланылан исламчылар ҹәзачәкмә мүәссисәләринә ҝөндәрилән кими дәрһал онларла ҝөрүшүб вәзијјәтләрини јохлајаҹағыг. Буну демәк истәрдим ки ән бөјүк сијаси мәһбуслар да мәһз исламчылардыр. Гәти олараг онлар мәним үчүн приоритет әһәмијјәт кәсб едир.
- Мәлум олдуғу кими “Амнестј Интернатионал” апрелдә кечирилән аксијалар заманы һәбс олунан 17 нәфәр мүхалифәтчини виҹдан мәһбусу елан етди. Лакин “Амнестј Интернатионал” тәрәфиндән исламчылара гаршы бу мөвге ҝөстәрилмәди. Ејни һалда өлкәдә олан һүгуг мүдафиәчиләр арасында исламчылара гаршы ајры-сечкилик мүшаһидә олунур. Сизҹә бу нә илә бағлыдыр?
- “Амнестј Интернатионал” бу ҝүнә гәдәр Фәләстин проблеми, АБШ-ын анти-террор ады алтында тәсис етдији Гуантанамо вә ејни һалда Әбу-Гурејб һәбсханаларында мәһбусларын ишҝәнҹәләрә мәруз галмасы илә бағлы ән кәскин мөвге билдирән тәшкилатлардан биридир. Бу тәшкилат һәтта Ҹорҹ Бушун һәбсини белә тәләб едиб. Дүшүнмүрәм ки, “Амнестј Интернатионал” ислам факторуну нәзәрә алараг, бу шәхсләрә мүнасибәтдә ајры-сечкилик мөвгејини тутуб. Садәҹә олараг, белә вәзијјәтин јаранмасы һүгуг мүдафиәчиләринин мөвгејиндән ирәли ҝәлиб. Әҝәр бүтүн һүгуг мүдафиәчиләри бир мөвгедән чыхыш едәрәк, бу инсанларын мүдафиәсини ардыҹыл шәкилдә тәшкил етсә, инанмырам ки, “Амнестј Интернатионал” да өз мөвгејини орталыға гојмасын. “Амнестј Интернатионал” тәшкилатынын нүмајәндәләри Бакыја ҝәләндә исламчыларла бағлы мүәјјән мүзакирәләр апардыг. Мәндә олан мәлумата ҝөрә, бәзи һүгуг мүдафиәчиләри “Амнестј Интернатионал” тәшкилатынын үзвләри илә ҝөрүшдә, Азәрбајҹана гаршы ислам тәһдидини әсас ҝәтирәрәк, онлары бу инсанларын мүдафиәсиндән чәкиндирибләр. Лакин һесаб едирәм ки, биз бу истигамәтдә фәалијјәтимизи ҝүҹләндирмәлијик. Чүнки бу шәхсләр виҹдан мәһбусларыдыр.
Хәјал Шүкүр
Диггәт: Хәбәрдән истифадә етдикдә мәнбәјә истинад лазымдыр
