Әһли Бејт -АБНА- хәбәр аҝентлијинин вердији хәбәрә әсасән Теһранын кечән һәфтәки Ҹүмә Намазы Дүнја Мүсәлманларынын Лидери Имам Хаменеи ҹәнабларынын имамәти илә гылынды. Һәзрәти Ајәтуллаһ Хаменеи бу бир даһа ҹүмә намазы хүтбәләриндә әсас нөгтәләрә тохунараг “Иран Ислам Ингилабы диктатор бир режими девириб...” дејә дүнјанын азадсевәр халгларына билдирди.
О, чыхышында “Ингилабын шүарлары бу ҝүн дә дәјишмәјибсә демәк о елә әввәлки јолуну ҝедир…” дејә хүтбәсинә давам етди.
Имам Хаменеи һәзрәтләри “Зәиф нөгтәләри ҝизләтмәјәк. Онлары арашдырыб көкүнү кәсәк…” дејәрәк елм вә технолоҝијадакы тәрәггини Ислам Ингилабынын ҝүҹлү нөгтәләриндән јалныз бири олдуғуну өнә чәкәрәк: “Иран елми тәрәгги бахымындан мәнтәгәдә биринҹи, дүнјада он једдинҹидир – буну биҝанә арашдырма мәркәзләри етираф едир…” дејә вурғулады.
Һәзрәти Ајәтуллаһ Хаменеи һәмчинин бујурду: “Санксијалар бизә фајда верир, асылылыгдан гуртарырыг, мүстәгиллијимиз ҝүҹләнир…”
Дүнја Мүсәлманларынын Лидери Ислам Ингилабынын давамлы олмасына ишарә едәрәк деди: “Ингилабы дәјәрләр икинҹи, үчүнҹү нәслә өтүрүлүб. Шәһид алимләримиз Мустафа Әһмәди Рөвшән, Ризаинежад ингилаб, мүһарибә дөврүнү ҝөрмәсәләр дә дини вәзифәләрини дәрк едиб јүксәк елми мәгама чатмышдылар…”
О, даһа сонра Ингилабы арадан апаран амилләрә тохунараг бујурду: “Зәиф нөгтәләримиздән бири бәзи мәсул шәхсләрин дүнја малына мејли, дәбдәбәли һәјата мараг ҝөстәрмәсидир… Бу руһијјә арадан галдырылмалыдыр…”
Имам Хаменеи ҹәнаблары АБШ вә сионист гүввәләринин Иран Ислам Республикасыны Бәһрејнин дахили ишләринә дәхаләт етмәкдә ҝүнаһландырмасына тохунараг деди: “Иранын Бәһрејнин дахили ишләринә гарышмасы илә бағлы иттиһамлар бөһтандыр. Биз мүдахилә етсәјдик вәзијјәт башга ҹүр оларды. Биз атдығымыз аддымлары ачыг éлан едирик. Биз режионда хәрчәнҝ шиши олан Исраилллә 33 вә 22 ҝүнлүк мүһарибәләрә гарышдыг вә Исраил мәғлуб олду. Биз буну ачыг дејир вә кимсәдән чәкинмирик…”
Имам Хаменеји даһа сонра бүтүн бу бөһтанларын Иран ислам Республикасына верилмәсинин сәбәбини ачыглајараг билдирди: “АБШ-ын иҹтимаи, игтисади дуруму ағырдыр. АБШ президенти буну ҝизләтмәјә чалышыр, сон дөрд ајда нүмајишчиләрә гаршы полис зоракылығындан данышмыр…”
Сонда Имам Хаменеји деди: “АБШ сүгут едир. Онун мәнтиг дили олмадығындан јеҝанә силаһы зордур. Бу исә чох давам едә билмәз. Советләр Иттифагынын агибәти АБШ-ын интизарындадыр…”
Диггәт: Хәбәрдән истифадә етдикдә мәнбәјә истинад лазымдыр
