Әһли Бејт -АБНА- хәбәр аҝентлијинин вердији хәбәрә әсасән Теһранда кечирилмиш “Ҹаванлар вә Ислами Ојаныш Бејнәлхалг Иҹласы”нын һејәт башчысы олан вә узун илләр Австралијанын баш мүфтиси олмуш Мисирин әл-Әзһәр Университетинин устады Шејх Таҹәддин әл-Һилали Гум шәһәриндә Гум Елми һөвзәсинин рәһбәри Ајәтуллаһ Мүгтәдаи илә ҝөрүшмүшдүр.
Гумда олмағыдан вә Гум алимләри ҝөрүшмәси долајындан севинҹ һиссини кечирдијини билдирән Шејх Таҹәддин әл-Һилали билдириб ки, Гумдан чох бөјүк шәхсијјәтләр, о ҹүмләдән, Имам Хомејни(р) вә Имам Хаменеи кими адамлар чыхмышдыр ки, бу да Гумун мәнәвијјат вә елм шәһәри олмасынын ҝөстәриҹисидир.
1981-ҹи илдә Имам Хомејнилә ҝөрүшүнү хатырлајан Шејх Таҹәддин дејиб ки, о ҝөрүшү һеч заман унутмарам. Имам әјниндә гара либас кичик стол архасында әјләшмишди вә столун үзәриндә кичик стәкан да вар иди. Онун давранышлары Пејғәмбәр(с) давранышларыны хатырладырды ки, ондан бөјүк дәрсләр әхз етдим.
Имам Хомејнин "Намазын сирләри" китабына ишарә едән әл-Әзһәр устады дејиб ки, о китабы охудугдан сонра онун нә гәдәр бөјүк ариф олдуғуну вә гәлбиндән Ирфан нурунун сачдығыны анладым.
Шејх Таҹәддин дејиб ки, бир нечә мүддәт нәјә ҝөрә иранлыларын Ислам үммәтинин вәһдәтинә бу гәдәр тәкид етдикләри барәдә дүшүнмәкдә идим ки, Мәһәммәд сурәсинин сон ајәсинин тәфсири гаршыма чыхды. 40-а јахын Әһли сүннә мәнбәсини, о ҹүмләдән, Ибн Кәсири, Зәмәхшәри, Бухарини мүталиә етдим вә ҝөрдүм ки, ајәнин тәфсириндә дејилир ки, Һз.Рәсуләллаһ(с) әлини Салман Фарсинин чијнинә гојараг Салманын гөвмүнүн ҝәләҹәкдә чох уҹа тәрәггиләр әлдә едәҹәјини билдирмишдир. О заман мәнә аҝаһ олду ки, Иранын вә иранлыларын ҝөрдүкләри ишләр Илаһи тәклифдир ки, онларын үзәринә гојулмушдур.
Шејх Таҹәддин даһа сонра дејиб ки, узун илләрдир ки, АБШ вә Исраил сәј ҝөстәрирләр ки, Јахын Шәргдә өз мәнафеләринә ујғун Јахын Шәрг гурсунлар. Амма һәр дәфә Иран онларын бу һијләләрини бәјан едәрәк бунун гаршысында дајанды вә нәтиҹәдә бу ҝүн Јахын Шәрг онларын мәнафеләринә ујғун олан јох, Ислами Јахын Шәргә чеврилмишдир. Мәһз бу сәбәбдән дүшмәнләр әл-әлә вериб Исламын әзәмәтини арадан апармаг истәјирләр. Бунун гаршысыны алмаг үчүн Иранын вә Гум һөвзәсинин бојнуна бөјүк вәзифә дүшмүшдүр.
Бу ҝүн бојнумуша шәри вәзифә ҝәлиб ки, мүсәлманлары һәгиги Исламдан узаглашдыран ваһһабиләрлә мүбаризә апараг дејән әл-Һилали дејиб ки, бу ҝүн онлар һәр тәрәфи өз китаблары илә долдурмададырлар та ки, мүсәлманлары Натиги-Гурандан кәнар салсынлар вә өз истәкләринә чатсынлар. Һз.Рәсуләллаһ бизә ики әманәт тапшырыб; Гуран вә Әһли-Бејтини(ә). Әҝәр онларын бирини кәнара гојсаг, бөјүк проблемләрә дүчар олаҹағыг. Бу ҝүн әксәр мүсәлманларын Әһли-Бејтдән(ә) кәнар дүшдүкләрини вә онларын елмләриндән хәбәрсиз олдугларыны дејән Шејх Таҹәддин дејиб ки, һалбуки Һз.Рәсули-Әкрәм(с) бизә онлары Гурандан ајры тутмамағы тапшырмышдыр.
Шиә вә әһли-сүннә вәһдәтинин зәрурилијиндән данышан Шејх Таҹәддин дејиб ки, узун илләр иди ки, сионистләр раһат бизим өлкәјә ҝәлиб ҝедирдиләр, һәтта тәјјарәләри бизим һава мәканларымыза дахил олараг Гаһирәјә енирдиләр. Амма гардаш Иранла белә әлагә мөвҹуд дејилди. Вә мисирлиләр гардаш иранлылардан бихәбәр идиләр. Бу мүнасибәт һөкүмәт тәрәфиндән үмумән шиәләрә гаршы һәјата кечирилирди. Ливан Һизбуллаһынын сионистләр үзәриндә гәләбәсиндән сонра ҹамаат евләриндә Сејјид Һәсән Нәсруллаһын шәкил вә портретләрини асмаға башлады ки, Мүбарәк шәхсән әл-Әзһәр алимләриндән истәди ки, чыхыб Сејид Һәсән Нәсруллаһын мәгамыны ашағыласынлар. Дәлил кими онун шиә олмасыны ҝөстәриб, шиәләрин әгидәләринин фасид вә батил олмасыны билдирсинләр.
Чыхышынын сонунда Мисирдә баш вермиш ингилаб барәдә данышан Шејх Таҹәддин бу ингилабын анасы олан ингилабдан јәни Иран Ислам Ингилабындан бир чох шејләр өјрәнмәјә еһтијаҹлы олдуғуну билдирәрәк Ајәтуллаһ Мүгтәдаидән истәјиб ки, Гум алимләрини тезликлә Мисирә езам етсин ки, Мисирдә дин алимләри илә мүзакирәләр апарыб тәмаслар гурсунлар.
Ајәтуллаһ Мүгтәдаи Шејх Таҹәддинә етдији чыхыша вә Мисирдә шиәләрә гаршы тутдуғу әдаләтли мөвгејинә ҝөрә тәшәккүр едәрәк Мисир алимләри илә тәмасларын гурулмасына вә һәмкарлыг етмәләринә һазыр олдугларыны билдириб. Ајәтуллаһ Мүгтәдаи ҝөрүшдә һәмчинин мүсәлманларын арасында вәһдәтин зәрурилијиндән данышыб.
Диггәт: Хәбәрдән истифадә етдикдә мәнбәјә истинад лазымдыр
