Әһли Бејт -АБНА- хәбәр аҝентлијинин вердији хәбәрә әсасән Нәглијјат Назирлијинин табелијиндә олан Бакы шәһәри 1 сајлы Јол Истисмар Идарәсинин рәиси Салеһ Мәммәдов шәхси бағ евиндә ишләјәнләрә олан 120 мин манат борҹуну өдәмәкдән имтина едир. Бу барәдә “Јени Мүсават”а тикинтијә рәһбәрлик етмиш Аҝалар Бәширов вә Емил Гоҹајев мәлумат вериб. Шикајәтчиләр билдирир ки, онлар Бакынын Фатмаји бағлар массиви әразисиндә С.Мәммәдовун сифариши илә 530 квадрат метр саһәси олан хүсуси мүлк инша едибләр.
Шикајәтчиләр билдирир ки, онлар Бакынын Фатмаји бағлар массиви әразисиндә С.Мәммәдовун сифариши илә 530 квадрат метр саһәси олан хүсуси мүлк инша едибләр.
Илкин лајиһәдә тикилинин саһәси 217 квадрат метр нәзәрдә тутулса да, сонрадан лајиһәјә С.Мәммәдовун күрәкәни әсаслы дәјишикликләр едиб. Нәтиҹәдә тикинти саһәси ики дәфә артыб. Лакин тикинти баша чатандан сонра С.Мәммәдов иншаатчылара јалныз илкин лајиһәнин смета дәјәри үзрә өдәниш едиб. Бу исә реал хәрҹләрин јарысыдыр. Нәтиҹәдә А.Бәширов вә Е.Гоҹајев һәм фәһләләрә, һәм дә иншаат материаллары алдыглары ширкәтләрә борҹлу галыблар. С.Мәммәдов исә нә гәдәр абсурд олса да, шикајәтчиләрә пулун галығыны күрәкәниндән тәләб етмәји төвсијә едир.
“Бизимдөвр.аз” сајтынын мәлуматына ҝөрә, сөзүҝедән бағ евинин тикинтисиндә С.Мәммәдовун рәһбәрлик етдији јол истисмар идарәсинин ресурсларындан да ҝениш истифадә едилиб. Јол чәкилиши үчүн нәзәрдә тутулан иншаат материаллары бағ евинә дашынырмыш. Шикајәтчиләр С.Мәммәдовла данышыгларын мүмкүн олмадығыны ҝөрүб медиадан дәстәк истәјирләр.
Арашдырмамыз заманы бәлли олду ки, 1 сајлы Јол Истисмар Идарәсинин рәиси Салеһ Мәммәдов нәглијјат назири Зија Мәммәдовун ән јахын адамларындан биридир. О, белә өзбашыналыға да мәһз З.Мәммәдова ҝүвәнәрәк ҝедир. Бу барәдә “Јени Мүсават”ы мәлуматландыран мәнбәнин сөзләринә ҝөрә, З.Мәммәдовун һимајәдарлығындан суи-истифадә едән С.Мәммәдов өз һаггыны тәләб едәнләрә “Мәним архамда Зија Мәммәдов кими нәһәнҝ дуруб, ҝедин, кимә истәјирсиниз шикајәт един”, ҹавабыны верир. О, бағ евиндә ишләјәнләрлә етдији рәфтары өз ишчиләринә дә тәтбиг едир. Мәсәлән, бајрам вә истираһәт ҝүнләри ишә чыхартдығы фәһләләрә һеч бир әлавә өдәниш етмир. Анҹаг Әмәк Мәҹәлләсинә ҝөрә, бајрам вә истираһәт ҝүнү ишә чыханлара һәмин ҝүнләр үчүн 2 гат әмәкһаггы һесабланмалыдыр. Ҝөрүнүр, ишчиләрин һаггыны мәнимсәмәк С.Мәммәдовун артыг һәјат тәрзинә чеврилиб.
Диггәт: Хәбәрдән истифадә етдикдә мәнбәјә истинад лазымдыр
