Әһли Бејт -АБНА- хәбәр аҝентлијинин вердији хәбәрә әсасән Теһранын мүвәггәти имам ҹүмәси Авропа Бирлијинин Ирана гаршы нефт санксијасынын әһәмијјәтсиз олдуғуну билдирәрәк дејиб: Авропа Бирлији Ирандан нефт идхалына ембарго тәтбиг етмәклә ислами Иранын мүхтәлиф саһәләрдәки инкишафына мане ола билмәз.
Теһранын Ҹүмә Намазы хәтиби Ајәтуллаһ Сејид Әһмәд Хатәми АБ-нин Иран нефтинә санксија тәтбиг етмәк үзрә сон һәрәкәтини писләјәрәк вурғулајыб: Авропалылар бу һәрәкәтлә һәгигәтдә өзләринә гаршы санксија тәтбиг едибдир. Бу һәрәкәтин әсас зәрәредиҹи тәрәфләри Авропа вәтәндашларыдыр.
Ајәтуллаһ Хатәми сон илләр әрзиндә Ирандакы нүвә инкишафлары вә наилијјәтләринин Гәрбин ИИР-на гаршы санксијалары нәтиҹәсиндә сәмәр вердијини билдириб.
" Ислами Иран дүшмәнләринин тәзјигләринә рәғмән вә Иранын мөмин вә өһдәликли алимләринин ҹиддијјәтли сәјләри нәтиҹәсиндә һазырда Иран бир нүвә дөвләтидир " –дејә Теһранын Ҹүмә Намазы Хәтиби сөзләрини давам етдириб.
Иранын өз нефтини сатмагда һеч бир проблемә малик олмадығыны билдирән Теһранын Ҹүмә Намазы хәтиби дејиб: Авропалылар Иран нефтинә гаршы ембарго тәтбиг етмәклә бу өлкә игтисадијјатына зәрбә вура билмәзләр , чүнки Авропа Иран нефтинин 18 фаиздән даһа азынын алыҹысыдыр.
Теһранын Ҹүмә Намазы хитабәтчиси өз сөһбәтләринин башга бир һиссәсиндә Иран нефтинин санксија едилдији тәгдирдә Әрәбистанын мәсул шәхсләринин Авропа нефтини тәмин етмәк һагдакы сөзләрини тәнгид едәрәк дејиб: Али-Сәуд һөкмдарлары бу сијасәтләри давам етдирмәклә јалныз өзләринин даһа тез бир заманда сүгут етмәләри үчүн зәмин јарадырлар.
Ајәтуллаһ Сејид Әһмәд Хатәми Иранын Ислам Шурасы Мәҹлисинә 9-ҹу сечкиләрин кечирилмәсинин јахынлашмасына, һабелә дүшмәнләрин бу сечкиләри аз әһәмијјәтли ҝөстәрмәк үзрә фитнәкар планларына ишарә едәрәк дејиб: Иранын мүсәлман вә һәмишә сәһнәдә олан халгы бу сечкиләрдә фәал иштирак етмәклә кечмишдә олдуғу кими дүшмәнләрин Иранын Ислам Ингилабы вә Иранын ислами гурулушуна гаршы фитнәкар планларыны пуча чыхараҹаглар.
Теһранын мүвәггәти имам ҹүмәси Али-Хәлифә режиминин Бәһрејндәки ҹинајәтләрини писләјәрәк Бәһрејнин ингилабчы ҝәнҹләриндән истәјиб ки, өз мүгавимәтләрини давам етдирмәклә Али-Хәлифә режиминин мәһв едилмәси үчүн өз ингилабларыны давам етдирсинләр , чүнки зәфәр јахын заманда баш верәҹәк.
Мүбарәк фәҹр онҝүнлүјү , Иранын Ислам Ингилабынын зәфәр чалмасы ҝүнләринин јахынлашмасыны билдирән Ајәтуллаһ Хатәми сонда дејиб: Иран халгы өтән илләрдә олдуғу кими Иранын Ислам Ингилабынын зәфәр чалмасынын илдөнүмү јүрүшүндә ҝениш иштирак етмәклә бир даһа Иранын Ислам Ингилабы амалларыны һимајә етдикләрини елан едәҹәкләр.
Диггәт: Хәбәрдән истифадә етдикдә мәнбәјә истинад лазымдыр
