Әһли Бејт -АБНА- хәбәр аҝентлијинин вердији хәбәрә әсасән faktxeber.com әмәкдашынын аиләсинә тәзјиг олунуб. Т.Һәсәнлинин билдирдијинә ҝөрә, ҝүнорта һәјат јолдашы евдән мағазаја ҝедәркән танымадығы 4 нәфәр шәхс гара рәнҝли “Мерҹедес” маркалы машындан дүшәрәк она јахынлашыблар: “Һәмин шәхсләр һәјат јолдашыма билдирибләр ки, она дејин, өзүнү јығышдырсын вә онлар барәдә јазы јазмасын. (Амма "Онлар"дан мәгсәдин ким олдуғу бәлли олмајыб)
Хатырладаг ки, бир мүддәт әввәл Азәрбајҹанда мавиләрин митинг кечирәҹәји илә бағлы арашдырма јазы дәрҹ етмишдик ки, бундан сонра да бу хәбәр бөјүк резонанс доғурмушду. Өлкә иҹтимаијјәтинин демәк олар ки, бүтүн тәбәгәсинин бу аксијанын гәбуледилмәзлијини сөјләмәсинә бахмајараг, онларын аддымыны дәстәкләјәнләр дә олду. Мәһз бу дәстәк ҝөстәрәнләрә дә әмәкдашымыз “Ҝеј севҝиси” адлы јазы илә ҹаваб вермишди.
Гејд едәк ки, тәзјиг факты илә әлагәдар мүвафиг органлара мүраҹиәт олунаҹаг.
Ниҹат
Диггәт: Хәбәрдән истифадә етдикдә мәнбәјә истинад лазымдыр
