Әһли Бејт -АБНА- хәбәр аҝентлијинин вердији хәбәрә әсасән: “Күр” Вәтәндаш Ҹәмијјәти Гәрарҝаһы өтән һәфтәнин сонунда Саатлы вә Сабирабад рајонларында полис һүҹумларына галмасы илә бағлы бәјанатла чыхыш едиб. Бәјанатын бир гисмини зијарәтчиләримизә тәгдим едирик:
...“Күр” Вәтәндаш Ҹәмијјәти Гәрарҝаһы 07 јанварда дашгынларын тәсиринә мәруз галмыш инсанлара вә “Күр” Гәрарҝаһы үзвләринә гаршы Сабирабад вә Саатлы рајон полис шөбәси әмәкдашларынын ҝөстәрдији ганунсуз, зоракы, гејри- етик һәрәкәтләри гәтијјәтлә писләјир, Дахили Ишләр назири Рамил Усубовдан баш вермиш һадисәјә вә полисләрин һәрәкәтләринә һүгуги гијмәт вермәсини тәләб едир.
“Күр” Вәтәндаш Ҹәмијјәти Гәрарҝаһы “ГҺТ- ләр вә иҹтимаи бирликләр һаггында”, еләҹә дә “Сәрбәст топлашмаг азадлығы һаггында” Ганунун тәләбләрини поздуғуна ҝөрә Сабирабад рајон Иҹра Һакимијјәтинин рәһбәрлији һаггында ҹидди өлчү ҝөтүрүлмәсини тәләб едир, Президент Администрасијасыны баш вермиш һадисә барәдә ҹидди өлчү ҝөтүрмәјә чағырыр.
“Күр” Вәтәндаш Ҹәмијјәти Гәрарҝаһы Азәрбајҹан республикасынын Президенти јанында ГҺТ- ләрә Дөвләт Дәстәк Шурасына мүраҹиәт едәрәк бөлҝәләрдә ГҺТ- ләрин нормал фәалијјәт ҝөстәрилмәсинә имкан вермәјән бу кими һалларын арашдырылмасы вә арадан галдырылмасы үчүн Дәстәк Шурасыны әмәли аддымлар атмаға чағырыр”.
Диггәт: Хәбәрдән истифадә етдикдә мәнбәјә истинад лазымдыр
