Әһли Бејт -АБНА- хәбәр аҝентлијинин вердији хәбәрә әсасән: Ҹәнаб Ајәтуллаһ Мәкарим Ширази буҝункү али фигһ (дәрси-хариҹ) дәрсиндә шиәләрин дүнјада ән мәзлум ҹәмијјәт олдуғуну вурғулајыб.
Ҹәнаб Мәкарим дејиб: “Һазырда Бәһрејн, Әһса, Гәтиф, Азәрбајҹан Республикасы мүсәлманлары ҹидди тәзјигләрә мәруздурлар… Азәрбајҹандан алдығымыз мөтәбәр мәлуматлара әсасән, Ислам дүшмәнләри мүсәлманлары зәифләтмәкдә исрарлыдырлар. Ислам мүхалифләринин бир һиссәси сабиг совет режиминин мәмурларыдыр. Ислама гаршы мүхалифәтин бир сәбәби дә будур.”
Ҹәнаб Мәкарим һиҹабла мүбаризә, шиә алимләринин һәбси, дини китаб чапынын јасагланмасыны Азәрбајҹанда ҝедән просесләрин тәркиб һиссәси сајараг мүхалифләрә хитабән бујуруб: “Билин ки, өз көкүнүзә балта чалырсыныз. Чүнки дүнја шиәләри Имам Һүсејн (ә) мәктәбиндә тәрбијә алыблар вә диз чөкәси дејилләр. Бу һәдәләр, гәтлләр онларын етигдыны сарсытмајаҹаг.”
Ҹәнаб Мәкарим мәнтәгәни мүсәлман өлкәләриндә Ислам мүхалифләрини дүшүнҹәјә, проблемләри данышыгларла һәлл етмәјә чағырыб: “Бу јолун давам етдирилмәси јахшы нәтиҹә вермәјәҹәк. Азәрбајҹан, Бәһрејн, Һиҹаз шиәләри сусмајаҹаг. Дүнја мүсәлманлары онларла һәмрәјдир. Ираг, Пакистан, Әфганыстан, Авропа, Америка шиәләри бу мәзлумлара дәстәкдир.”
Ҹәнаб Мәкарим бәзи сијасәтчиләрин тәглид мәрҹә алимләринә мүнасибәтинә дә тохунуб: “Онлар иддиа едирләр ки, тәглид мәрҹәләри онларын дахили ишинә гарышыр. Амма бу һәгигәтдән узагдыр. Дин алимләри үчүн сәрһәд анлајышы јохдур. Онларын фәалијјәти заман вә мәканла мәһдудлашмыр. Мәрҹә алимләр сәрһәдсиз һәкимләр кимидирләр.”
Диггәт: Хәбәрдән истифадә етдикдә мәнбәјә истинад лазымдыр
