Әһли Бејт -АБНА- хәбәр аҝентлијинин вердији хәбәрә әсасән: Иран Ислам Шурасы Мәҹлисинин сәдри дејиб: Гүдс ишғалчыларынын хәјанәткар тәдбирләринә лагејд галмаг олмаз. Чүнки онлар Гүдсүн тарихи вә ислами маһијјәтини тамамилә дәјишмәјә чалышырлар.
Әли Лариҹани Фәләстин-Түркијә парламентләрарасы достлуг комитәсинин сәдри Мурад Јылдырым Теһран ҝөрүшүндә сионистләрин сон тәҹавүзкарлыглары барәдә дејиб: Мүстәмләкәчиләрин дүшмәнчилик сијасәтләринин сәбәби реҝиондакы ингилаблары јолундан чыхармаг нијјәти дашыјыр.
ИШМ сәдри даһа сонра дејиб: Ислами груплашмалар сионистләрин бу сијасәти гаршысында мөһкәм дајанмалыдыр. Иран Ислам Республикасы вә Түркијә дә ислам дүнјасынын өнәмли өлкәләри кими бу ҹинајәтләрин ашкарланыб лазыми тәдбирләр ҝөрүлмәсиндә әсаслы тәдбирләр ҝөрмәлидир.
Лариҹани һәмчинин Американын реҝиондакы фитнәкарлыглары, халглар арасында тәфригәчилик вә ихтилафлара гаршы мүгавимәт ҝөстәрилмәсини дә вурғулајыб.
Түркијә-Фәләстин парламентләрарасы достлуг комитәсинин сәдри дејиб: Иран Ислам Республикасы вә Түркијә һәмишә мәзлум Фәләстин халгынын мүдафиәсинә ҹан атыб. Она ҝөрә дә Фәләстин халгынын залым сионист режиминин шәриндән гуртармаг үчүн тәдбирләр даһа да ҝенишләнмәлидир.
Диггәт: Хәбәрдән истифадә етдикдә мәнбәјә истинад лазымдыр
