Әһли Бејт -АБНА- хәбәр аҝентлијинин вердији хәбәрә әсасән: Гејри-Ислами дини иҹмалардан икиси Азәрбајҹан дөвләт бүдҹәсиндән онлара ајрылан малијјә јардымындан имтина едиб. Бунлар гејри-ислам тәмајүллү, рәсми дөвләт гејдијјатындан кечмиш Бакы шәһәри бәһаи дини иҹмасы вә Сумгајыт шәһәри бәһаи дини иҹмасыдыр.
Бу ики дини иҹманы өзүндә бирләшдирән “Азәрбајҹан Бәһаи Иҹмасы”нын рәһбәри Рөвшән Аббасовдур. О, ачыгламасында бу факты белә изаһ едиб:
“Инанҹымыза ҝөрә, биз јалныз дахили вәсаит, дахили имканлардан фајдаланырыг, кәнардан һеч вахт пул алмырыг, лап милјон да олса, имтина едирик".
Р.Аббасов дејиб ки, дөвләт тәрәфиндән ајрылмыш вәсаити алыб хејријјә ишләринә хәрҹләјә дә биләрдиләр. Амма буна еһтијаҹ олмадығыны дүшүнүбләр:
"Фикирләшдик ки, Дини Гурумларла Иш үзрә Дөвләт Комитәсинин хәтти илә өзләри хәрҹләјәрләр. Она ҝөрә дә Дөвләт Комитәсинә мәктуб јазараг пулдан имтина етдијимизи билдирдик”.
Р. Аббасов Азәрбајҹанда бәһаиләрин сајынын тәхминән 1000 нәфәр олдуғуну билдириб.
Гејд едәк ки, Азәрбајҹан президенти Илһам Әлијевин тәшәббүсү илә Назирләр Кабинети Гафгаз Мүсәлманлары Идарәсинә вә 20 гејри-ислам тәмајүллү дини иҹмалара дөвләт бүдҹәсиндән малијјә јардымы ајрылмасы барәдә гәрар вериб.
Гәрарла Гафгаз Мүсәлманлары Идарәсинә 2 милјон манат, 20 гејри-ислам тәмајүллү иҹмаларын һамысына исә үмумиликдә 400 мин манат вәсаит ајрылыб. Ики бәһаи иҹмасы вәсаитдән имтина етдијиндән, 400 мин манат 18 гејри-ислам тәмајүллү иҹма арасында бөлүшдүрүлүб.
Хатырладаг ки, Бәһаи груму Рус Империјасы тәрәфиндән Иранда јарадылмыш ҹасус шәбәкәси олараг анти-Ислам сијасәтләрин һәјата кечирдирмишләр. Сонрадан бу ҹасус шәбәкәнин һимајәдарлығы Инҝилтәрә ҹасус шәбәкәсинә һәвалә олунур. Һалһазырда Бәһаи тәригәтинин давамчылары Ишғал олунмуш Фәләстин торпағларында гондарма Исраил режиминдә өз мәркәзијјәтин гәрар вермишләр.
Иран Ислам Республикасында бәһаи ҹасус тутулду + ФОТО
Диггәт: Хәбәрдән истифадә етдикдә мәнбәјә истинад лазымдыр
