Әһли Бејт -АБНА- хәбәр аҝентлијинин вердији хәбәрә әсасән: Мүсават Партијасынын башганы Иса Гәмбәр Зијалылар Форумунун тәдбиринин гаршысынын алынмасына мүнасибәт билдириб.
“Јени Мүсават”а ачыгламасында Иса Гәмбәр дејиб ки, бу тәдбирин гаршысынын алынмасы Дүнја Азәрбајҹанлыларынын Һәмрәјлик Ҝүнү әрәфәсиндә һакимијјәтин халга, ҹәмијјәтә мүнасибәтинин даһа бир биабырчы мәнзәрәсидир: “Һакимијјәт ҹәмијјәтин фәаллығындан, зијалыларын бир араја ҝәлмәсиндән вә ортаја мөвге гојмасындан горхур. Она ҝөрә биабырчы мәнзәрәләр бир-бирини әвәз едир. Һесаб едирәм ки, артыг Азәрбајҹанын ҝәләҹәјини дүшүнән һәр бир кәс баша дүшмәлидир ки, бу һакимијјәтлә Азәрбајҹанын ҝәләҹәји јохдур”.
“Зијалылар Форуму тәдбирләрини Мүсават гәрарҝаһында кечирмәк үчүн мүраҹиәт етсәләр онлара шәраит јарадыла биләрми” суалына Иса Гәмбәр белә ҹаваб верди: “Зијалыларын мүраҹиәтинә еһтијаҹ јохдур. Онлар өзләри билирләр ки, Мүсават гәрарҝаһы халгын гәрарҝаһыдыр, зијалыларымызын өз евидир, истәдикләри вахт ҝәлиб тәдбирләрини кечирә биләрләр. Бу гәрарҝаһ онларын үзүнә ачыгдыр”.
Диггәт: Хәбәрдән истифадә етдикдә мәнбәјә истинад лазымдыр
