Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын сәдр мүавини, мәһбус Вагиф Абдуллајев Пенитенсиар Хидмәтин Мәркәзи Мүалиҹә Мүәссисәсиндән Бакы Истинтаг Тәҹридханасына гајтарылыб. Аллаһ Јолунун Давамчылары тәҹридханаја декабрын 24-дә апарылыб.
Вагиф Абдуллајев Пенитенсиар Хидмәтин Мәркәзи Мүалиҹә Мүәссисәсинә декабрын 2-дә сәһһәти писләшдијинә ҝөрә көчүрүлмүшдү.
Анар Гасымлынын сөзләринә ҝөрә, бу мүддәт әрзиндә о, Вагиф Абдуллајевә бир нечә дәфә баш чәкиб: “Һәр дәфә сәһһәтинин дүзәлдији, өзүнү јахшы һисс етдијини мүшаһидә едирдим. Мүалиҹә еффект верирди”.
Вәкил бу һәфтә Бакы Истинтаг Тәҹридханасына ҝедәҹәјини вә һүгугларыны мүдафиә етдији шәхслә ҝөрүшәҹәјини билдириб.
Јанвар ајында тутулан Вагиф Абдуллајев октјабрын 7-дә Бакы Ағыр Ҹинајәтләр Мәһкәмәсинин һөкмү илә 11 ил мүддәтинә азадлыгдан мәһрум едилиб. Һөкмә апеллјасија инстансијасында бахылыр.
Вагиф Абдуллајев Ҹинајәт Мәҹәлләсинин 214.2.1 (Габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән ҹинајәтә һазырлыг); 214.2.3 (Одлу силаһдан вә силаһ гисминдә истифадә олунан предметләрдән истифадә етмәклә ҹинајәтә һазырлыг); 228.3 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә); 278-ҹи (Һакимијјәти зорла әлә кечирмә вә ја ону зорла сахлама) маддәләри илә ШӘРЛӘНӘРӘК тәгсирли билиниб.
Диггәт: Хәбәрдән истифадә етдикдә мәнбәјә истинад лазымдыр
