Әһли Бејт -АБНА- хәбәр аҝентлијинин вердији хәбәрә әсасән: Гәтәр Баш Назиринин мәхфи аудиојазысы дүнјада, хүсусилә Әрәбистанда сәс-күјә сәбәб олуб.
“Әл-Аләм” телеканалы билдириб ки, баш Назир Һәмд бин Ҹасим бин Ҹәбр Али Сани мәхфи ҝөрүшләринин бириндә дејиб: “Шүбһәсиз Али Сәуду (Әрәбистандакы һаким зүмрә) Гәтәр девирәҹәк. Бир ҝүн Гәтәр Әш-шәргијјә вә Әл-гәтиф (бу шәһәрләр Әрәбистанын шәргиндә јерләшир) шәһәрләринә дахил олаҹаг. Әрәбистан парчаланаҹаг. Бу өлкәнин һазыркы режими пирамидаја бәнзәјир. Бу пирамиданын башында исә јазыг Мәлик Абдуллаһ јерләшир. Әрәбистаннда дәјишиклик етмәк үчүн бу өлкәнин ордусуна үмид етмәк мәнасыздыр. Америка вә Инҝилтәрә дә Әрәбистанын һазыркы режимини дәјишмәк нијјәтиндә олдугларыны бизә билдирибләр. Онлар бунунла бағлы бизим тәрәфимиздән һесабат һазырланмасыны истәјибләр.” Һәмд бин Ҹасим дејиб: “Гәтәр дөвләти һал һазырда өз мөвгејини даһа да мөһкәмләдәрәк, Әрәбистаны габаглајыб. Артыг Америка базалары Гәтәрә көчүрүлмәкдәдир. Биз тәдриҹи олараг Әрәбистанын әрәб дүнјасында олан ағалығыны мәһдудлашдырараг өзүмүзү танытдыра билмишик.”
Гәтәр рәсмиләринин белә бир ачыгламасы Әрәбистан вә Гәтәр арасында ҝәрҝинлији артырыб. Әрәбистанын буну ҹавабсыз гојмајаҹағы вә Гәтәрә гаршы күтләви тәхрибат һәјата кечирәҹәји ҝөзләнилир. Бу исә ики Гәрб вә Исраил мүттәфигләри арасында мүнагишәнин аловланмасы демәкдир.
Диггәт: Хәбәрдән истифадә етдикдә мәнбәјә истинад лазымдыр
