Әһли Бејт -АБНА- хәбәр аҝентлијинин вердији хәбәрә әсасән: Өтән ҝүн Франса парламентиндә гондарма ермәни сојгырымыны инкар едәнләрин ҹәзаландырылмасыны нәзәрдә тутан ганун лајиһәси гәбул едилиб. Сәсвермә заманы салонда 50 милләт вәкили олуб. Бу исә 577 үзвлүк мәҹлисин тәхминән 10 фаизи демәкдир. Бундан сонра лајиһәнин Франса Сенатына ҝөндәрилмәси планлашдырылыр. Ганун лајиһәсинә ҝөрә, “сојгырымы” инкар едәни 1 ил һәбс вә 45 мин авро ҹәримә ҝөзләјир.
Ганун лајиһәсинин мүәллифи, һаким Халг Һәрәкаты партијасындан сечилмиш милләт вәкили Валерие Бојер лајиһә сәсвермәјә чыхарылмамышдан әввәл етдији чыхышда билдириб ки, ганунун гәбулунда мәгсәд Түркијә илә мүнасибәтләри позмаг јох, Франса вәтәндашларыны горумагдыр: “Бәзи өлкәләр 1915-ҹи ил һадисәләрини инкар едәрәк ҹинајәт едибләр, ҹәзасыз галыблар. 1914-ҹү илдә ермәниләрин 2/3-си гәтлә јетирилиб. Сиздән дәстәк ҝөзләјирәм”.
Түркијә сәфири ҝери чағырылды
Франса парламентиндә гондарма ермәни сојгырымыны инкар едәнләрин ҹәзаландырылмасыны нәзәрдә тутан ганун лајиһәсинин гәбулундан сонра Түркијә Парисдәки сәфири Таһсин Бурҹуоғлуну ҝери чағырыб. Дипломатын бу ҝүн Анкараја гајытмасы ҝөзләнилир. Сәфирлијин сөзчүсү Алманијанын “ДПА” хәбәр аҝентлијинә билдириб ки, Бурҹуоғлу мүддәтсиз олараг, Түркијәдә галаҹаг.
Түркијәдән Франсаја ағыр санксијалар
Түркијәнин баш назири Рәҹәб Тајјиб Әрдоған Франса парламентинин ашағы палатасы - Милли Ассамблејанын ујдурма ермәни сојгырымы һаггында гануну гәбул етмәсинә сәрт мүнасибәт билдириб. Баш назир бу аддымы кәскин шәкилдә писләјиб. Әрдоған буну “һагсызлыг вә фикир азадлығына гаршы олан гәрар” кими гијмәтләндириб: “Франсада азад дүшүнҹә принсипләри парламентин депутатлары тәрәфиндән тапдаланыб. Бу гәрар Түркијәдән чох Франсаја гаршы һагсызлыгдыр. Артыг Франсада азад дүшүнҹә јохдур. Гәрарын гәбулуна гаршы чыхан франсалы депутатлара тәшәккүр едирәм”.
Һөкумәт башчысынын сөзләринә ҝөрә, Түркијәнин бу гәрара гаршы сәссиз галмасы мүмкүн дејил: “Ылкин мәрһәләдә Парисдәки сәфиримизи ҝери чағырдыг, игтисади-тиҹарәт комиссијасынын топлантысындан имтина едирик, бүтүн икитәрәфли сијаси, игтисади вә һәрби әлагәләримизи дондуруруг, Авропа Бирлији чәрчивәсиндә лајиһәләрдә иштиракдан имтина едирик”.
Түкијәнин баш назири бундан сонра Франса авиаширкәтләринә мәхсус тәјјарәләрин Түркијә үзәриндән һәр бир учушу үчүн ајрыҹа иҹазә алынмалы олдуғуну, Франса һәрби ҝәмиләринин исә Түркијә лиманларына бурахылмајаҹағыны бәјан едиб. Әрдоған ону да әлавә едиб ки, Анкара бундан сонра Франсанын Африкада төрәтдији сојгырымлары бүтүн дүнјаја танытмаг истигамәтиндә иш апараҹаг.
“Саркоја гапаг олсун”
Түркијә рәсмиләри вә мүхалифәти дә Франсанын бу аддымына сәрт мүнасибәт билдириб. Авропа Бирлији назири Еҝемен Барыш баш назир Рәҹәб Тајјиб Әрдоғанын ачыгладығы санксијаларын Франса президентини ағыр дурума салаҹағыны сөјләјиб: “Баш назиримизин ачыгладығы гадағалар Саркоја гапаг олсун. Үмид едирәм ки, Франса президенти ағлыны башына топлајыб ганун лајиһәсини Сената ҝөндәрмәкдән имтина едәр”.
Баш назирин мүавини Бүләнт Арынч дејиб ки, Франса бу ганунун гәбулујла тарихә вә ҝерчәкләрә гара јахыр. Онун сөзләринә ҝөрә, Франса тарихин ләкәләнмәси әмәлијјатына старт вериб. Бу, Парисә башуҹалығы ҝәтирмәјәҹәк.
Анкара санксијалара әл атдығы бир вахтда Бакы Франсаја гуҹағыны ачды
Франса парламентинин гондарма ермәни сојгырымынын инкар едилмәсинин ҹинајәт сајылмасыны нәзәрдә тутан ганун лајиһәсини гәбул етмәсинә Азәрбајҹан тәрәфиндән адекват реаксија ҝәлмәјиб. Доғрудур, Президент Администрасијасынын шөбә мүдири Новруз Мәммәдов сәвијјәсиндә бу мәсәлә илә бағлы боғазданјухары бәјанатлар верилди.
Илһам Әлијевин Парисин 7-ҹи рајонунун мери Рәшидә Дати иә ҝөрүшү
Бу бәјанатларын гејри-сәмимилијини сүбут етмәк үчүн тәкҹә Ылһам Әлијевин бир ҝүн әввәл Парисин 7-ҹи рајонунун мери Рәшидә Датини гәбул етмәси, онунла Франса-Азәрбајҹан әлагәләриндән данышмасы, лакин сөзүҝедән ганун лајиһәси барәдә бир кәлмә белә, данышмамасы факты кифајәт едир. Һалбуки артыг бир нечә ҝүндүр бу мәсәлә ҝүндәми зәбт едиб. Бу азмыш кими, Ылһам Әлијев ганун лајиһәсинин гәбул олундуғу ҝүн, јәни, дүнән Азәрбајҹан Ыгтисади Ынкишаф Назирлији вә Франса Ынкишаф Аҝентлији арасында ФЫА групунун Азәрбајҹанда фәалијјәти илә бағлы Анлашма Меморандумунун тәсдиг едилмәси һаггында фәрман имзалајыб. Анкаранын Франсаја санксијалар тәтбиг етмәји ҝүндәмә ҝәтирдији бир вахтда Ылһам Әлијевин бу аддымлары гардаш өлкәјә архадан зәрбә кими дәјәрләндирилмәлидир. Түркијә Азәрбајҹанла стратежи мүттәфигдир. Ејни заманда бу өлкә 20 илдир ки, Азәрбајҹан-Ермәнистан мүнагишәсинә ҝөрә Ырәванла әлагәләри кәсиб. Ермәнистанла сәрһәдләри бағлајыб. Азәрбајҹан һөкумәти исә бунун гаршылығында Түркијәни мејданда тәк гојмагла јенә дә ҝөстәрди ки, Анкара илә әмәкдашлыгда сәмими дејил.
Бир мәгамы да гејд етмәк јеринә дүшәр. Ылһам Әлијевин ханымы Меһрибан Әлијева Милли Мәҹлисдә Азәрбајҹан-Франса парламентләрарасы достлуг групунун рәһбәридир. Һәлә ки, бу групун да Франса һөкумәтинин аддымына һәр һансы реаксијасы олмајыб.
Диггәт: Хәбәрдән истифадә етдикдә мәнбәјә истинад лазымдыр
