Әһли Бејт -АБНА- хәбәр аҝентлијинин вердији хәбәрә әсасән: Бакыдан ҝедән вәтәндаш ҹәмијјәти нүмајәндәләри декабрын 20-дә Масаллыда аҹлыг аксијасы кечирәнләрә баш чәкиб. Зијалылар Бирлијинин рәһбәри Мәммәдаға Зејналов “Туран”а дејиб ки, “Һәр евдә аҹлыг” шүары илә кечирилән аксија декабрын 18-дә башлајыб: “Аксијада рајонун 8 кәндинин тәхминән 40 сакини иштирак едир. Әһали иҹра һакимијјәтинин башчысы Гәзәнфәр Ағајевдән чох наразыдыр. Бу шәхс бүтүн рајону әлә кечирмәјә вә өзәлләшдирмәјә чалышыр. Онун адамлары јерли саһибкарларын әмлакыны әлләриндән алыр, республика органлары исә рајон сакинләринин шикајәтләринә мәһәл гојмур. Бүтүн бунлар рајонда ҝәрҝинлијин артмасына сәбәб олур”.
Масаллы Рајон Иҹра Һакимијјәтинин нүмајәндәси Сејфәддин Әлијев исә “Туран”а билдириб ки, һеч бир етираз аксијасы јохдур. О јалныз үч нәфәрин етираз етдијини гејд едиб вә онлары “јениликләрин, инкишафын дүшмәни” адландырыб.
Диггәт: Хәбәрдән истифадә етдикдә мәнбәјә истинад лазымдыр
