Әһли Бејт -АБНА- хәбәр аҝентлијинин вердији хәбәрә әсасән: Илһам Әлијевин ханымы, Һејдәр Әлијев Фондунун президенти Меһрибан Әлијева Италијаја сәфәри заманы јерли журналистләрин чәтин суалы илә үзләшиб. Италјан журналистләр Һејдәр Әлијев Фондунун будҹәси илә марагланыблар. Бу суал 2 дәфә Меһрибан Әлијеваја верилиб. Өлкә башчысынын ханымы чәтин вәзијјәтдә галыб.
Мәлумат үчүн дејәк ки, Һејдәр Әлијев Фондунун бүдҹәси Азәрбајҹан иҹтимаијјәтини дә ҹидди марагландыран мәсәләдир. Доғрудур, фондун һансы вәсаитләр һесабына вә һансы формада малијјәләшдирилмәси барәдә мәтбуатда дәфәләрлә јазылыб. Лакин индијә гәдәр фондун рәһбәрлији гурумун бүдҹәси барәдә рәсмән ачыглама вермәјиб. Һејдәр Әлијев Фондунун бүдҹәси илә бағлы суалларын ортаја чыхмасы гурумун фантастик мәбләғләрлә өлчүлән лајиһәләрин сифаришчиси кими тәгдим едилмәсидир. Әлбәттә бу, бир гејри-һөкумәт тәшкилатынын малијјә мәнбәләри илә марагланмаг үчүн ҹидди әсаслар јарадыр. Ҝөрүнүр, италјан журналистләр дә бу бахымдан Меһрибан Әлијеваны фондун бүдҹәси илә бағлы суал атәшинә тутублар.
Диггәт: Хәбәрдән истифадә етдикдә мәнбәјә истинад лазымдыр
