Әһли Бејт -АБНА- хәбәр аҝентлијинин вердији хәбәрә әсасән: Декабрын 14-дә Азәрбајҹанын хариҹи ишләр назири Елмар Мәммәдјаровун Бакыда Ишғалчы Исраил режими ХИН-ин баш директору Рафаел Баракы гәбул етдији барәдә мәлумат верилиб. Сәфәр заманы Барак ХИН рәһбәринин мүавини Араз Әзимов, баш назирин мүавини Јагуб Ејубов, Милли Мәҹлисин бәзи депутатлары илә дә ҝөрүшүб.
Рәсми ҝөрүшләр заманы Ислам-Иран-Азәрбајҹан мүнасибәтләринин, Гарабағ мүнагишәсинин, хүсуси хидмәт вә һүгуг-мүһафизә органларына техники дәстәк мәсәләсинин, өлкәдә јашајан јәһудиләрин вәзијјәтинин мүзакирә олундуғу дејилир. Ишғалчы Исраил режимин рәсмиси Бакыда АБШ, Бөјүк Британија сәфирләри илә дә бир араја ҝәлиб.
Бу, Ишғалчы Исраил режим нүмајәндәләринин Азәрбајҹана илк сәфәри дејил тәбии ки. Аз өнҹә, нојабрын 23-дә Ишғалчы Исраил режимин рабитә назири Моше Кахлон Бакыда өлкә башчысы Илһам Әлијевлә, Азәрбајҹанын рабитә вә информасија технолоҝијалары, фөвгәладә һаллар, дахили ишләр, милли тәһлүкәсизлик назирләри илә ҝөрүшләр кечирмишди. Һәмчинин Бакутел-2011 ИТ сәрҝисинә гатылмышды.
Адынын чәкилмәсини истәмәјән етибарлы мәнбәнин билдирдијинә ҝөрә, Ишғалчы Исраил режими Азәрбајҹана бир сыра мәсәләләрдә, о ҹүмләдән Бакы вә диҝәр реҝионлара јајымланан Ислам телеканалларынын өтүрүҹүләринин “вурулмасы”, Азәрбајҹанда телерадиојајымын кејфијјәтинин артырылмасы мәсәләләриндә дәстәк вәд едиб, ишғал олунмуш әразиләрә АзТВ-нин, ермәни дилли верилишләрин јајымынын тәмин едилмәси ишиндә јардымчы олаҹағына, “Еуровисон” маһны мүсабигәсинә телекоммуникасија дәстәји, хүсуси хидмәт органларына исә мүвафиг техники дәстәк сөз вериб.
Мараглыдыр ки, Ишғалчы Исраил режимин рабитә назири сәфәри заманы әсасән дөвләт мәмурларына мәхсус ширкәтләр, о ҹүмләдән “Ултра”, “Азел”, “Риск”, “Азәркосмос”, “Ҝолденпај”, “Ҹоннеҹт”, ББТВ, һабелә Исраилин тәсири алтында олан “Азәрфон”, “Азертелеком”, “Бакҹелл” ширкәтләринин нүмајәндәләри илә дә ҝөрүш кечириб. Түркләрә аид “Азерҹелл” исә кәнарда галыб. Ишғалчы Исраил режими Азәрбајҹандакы сәфири Михаел Лавонун “Изрус” порталына вердији мәлумата әсасән, Моше Кахлон һәмчинин јәһуди мәктәбинә вә “Ҹојнта” јәһуди тәшкилатынын јерли филиалына да баш чәкиб.
Гејд едәк ки, нојабрын 10-да Илһам Әлијев Бакыда сәфәрдә олан Ишғалчы Исраил режимин инфраструктур назири Узи Ландауну гәбул едиб. Ҝөрүш заманы Ишғалчы Исраил режимин назири дөвләт башчысына “Исраилә ҝүҹлү Азәрбајҹан лазымдыр” дејиб. Исраил режимин инфраструктур назири Узи Ландаунин сәфәриндән 1 ҝүн габаг исә Иран парламентинин Милли Тәһлүкәсизлик комитәсинин үзвү Зөһрә Елаһијан фарс аҝентлијинә мүсаһибәсиндә Азәрбајҹан вә Түркмәнистанын “Моссад”ын, һабелә АБШ вә Бөјүк Британија хүсуси хидмәтләри үчүн “форпост” олдуғуну бәјан едиб. Онун иддиасына ҝөрә, “МДБ-нин бу өлкәләриндән Иран вә онун вәтәндашларына гаршы әмәлијјатлар апармаг вә кәшфијјат мәлуматлары јығмаг үчүн террор груплары јөнәлдилир”. Рәсми Теһран Исраил тәрәфиндән Ирана мүмкүн превентив зәрбәләрин мәһз Азәрбајҹан әразисиндән вурулаҹағына әминдир.
Диггәт: Хәбәрдән истифадә етдикдә мәнбәјә истинад лазымдыр
